សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនម្នាក់បើកម៉ូតូវ៉ាជែងរថយន្តលឿនជ្រុលចង្កូតបុកនឹងរបាំងថ្មពុះចែកទ្រូងផ្លូវបណ្ដាលឲ្យដួលសន្លប់ស្ដូកស្ដឹង។
ហេតុការណ៍នេះបានកើតឡើងនៅម៉ោង១០យប់ថ្ងៃទី១០ ខែធ្នូ ឆ្នាំ២០២៤ ស្ថិតនៅតាមបណ្ដោយផ្លូវសហព័ន្ធរុស្ស៊ី នៅក្នុងភូមិក្បាលដំរី២ សង្កាត់កាកាបទី២ ខណ្ឌពោធិ៍សែនជ័យ ។
ប្រភពព័ត៌មានពីប្រជាពលរដ្ឋបានឲ្យដឹងថា មុនពេលកើតហេតុគេឃើញជនរងគ្រោះបើកម៉ូតូម្នាក់ឯងម៉ាកហុងដាឌ្រីមស៊េរីឆ្នាំ២០២៥ ពណ៌ខ្មៅពាក់ស្លាកលេខភ្នំពេញ1LD-8972 ធ្វើដំណើរតាមបណ្ដោយផ្លូវសហព័ន្ធរុស្ស៊ីក្នុងទិសដៅពីលិចមកកេីតក្នុងល្បឿនលឿន ខណៈមកដល់ចំណុចកើតហេតុ បាន វ៉ាជែងខាងឆ្វេងរថយន្តមួយគ្រឿងមិនចាំម៉ាកជ្រុលចង្កូតទៅបុករះរបាំងថ្មពុះចែកទ្រូងផ្លូវបណ្ដាលឲ្យដួលបោកបែកច្រមុះហូរឈាមសន្លប់ស្ដូកស្ដឹង។ ក្រោយកើតហេតុប្រជាពលរដ្ឋឃើញបាននាំគ្នាទាក់ទងហៅរថយន្តមន្ទីរពេទ្យបង្អែកពោធិ៍ចិនតុងមកដឹកយកទៅសង្គ្រោះបន្ទាន់នៅមន្ទីរពេទ្យលោកសង្ឃភ្លាមៗ។
បន្ទាប់ពីកើតហេតុសមត្ថកិច្ចមូលដ្ឋានលេីកយកម៉ូតូជនរងគ្រោះទៅរក្សាទុកនៅប៉ុស្តិ៍សង្កាត់កាកាប១បណ្ដោះអាសន្នរង់ចាំប្រគល់អោយជនរងគ្រោះពេលក្រោយ ៕
ដោយ៖ ជ្រោយពេជ្រ
