🔥អគ្គិភ័យឆាបឆេះផ្ទះ បណ្តាលមកពីកូនប្រុសដុតភ្លើងបង្កជាអគ្គិភ័យ

ភ្នំពេញ ៖ នៅវេលាម៉ោង០៩:៣០នាទីព្រឹក ថ្ងៃទី១៧ ខែធ្នូ ឆ្នាំ២០២៤ មានករណីអគ្គិភ័យមួយកន្លែងកើតឡើងនៅចំណុចបុរីរំចេក ផ្ទះលេខE18 ផ្លូវផ្ការំយោល ភូមិគោកបន្ទាយ សង្កាត់ព្រៃស ខណ្ឌដង្កោ រាជធានីភ្នំពេញ ។ 

ហេតុការណ៍ អគ្គិភ័យឆាបឆេះនេះ បណ្តាលមកពីកូនប្រុសដុតភ្លើងបង្កជាអគ្គិភ័យ។

អគ្គិភ័យនេះធ្វើឱ្យឆេះផ្ទះទំហំ ០៤ម៉ែត្រ x ១៦ម៉ែត្រ ក្នុងនោះឆេះខូចខាតបន្ទប់ជាន់ឡៅតឿចំនួន ០១បន្ទប់, ពូកពីរ រួមទាំងសម្ភារៈប្រើប្រាស់ក្នុងបន្ទប់អស់ទាំងស្រុង ហើយពុំបណ្តាលឲ្យឆេះរាលដាលដល់អ្នកក្បែរខាងឡើយ។

 នៅវេលាម៉ោង១១:០០នាទីព្រឹក ថ្ងៃខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យរាជធានីភ្នំពេញ ចំនួន ០៣គ្រឿង ប្រើប្រាស់ទឹកអស់ចំនួន ០៣ឡាន ស្មើនឹង ១២ម៉ែត្រគូប, រថយន្តអគ្គិភ័យក្រុមហ៊ុនស្រាបៀរកម្ពុជាចំនួន ០១គ្រឿង ប្រើប្រាស់ទឹកអស់ចំនួន ០១ឡាន ស្មើនឹង ០៦ម៉ែត្រគូប ៕

ដោយ ៖ សិលា