សារព័ត៌មាន នគរវត្ត តែងតែនាំមុខគេជានិច្ច
កាលពីថ្ងៃទី 17 ខែធ្នូ ឧត្តមសេនីយ៍ឯក Igor Kirillov មេបញ្ជាការកងកម្លាំងការពារវិទ្យុសកម្ម គីមី និងជីវសាស្រ្តរបស់រុស្ស៊ី បានទទួលមរណភាព បន្ទាប់ពីគ្រាប់បែកដែលលាក់នៅក្នុងរថយន្តបានផ្ទុះ។
យោងតាមទីភ្នាក់ងារស៊ើបអង្កេត គ្រាប់បែកនេះបានផ្ទុះនៅខាងក្រៅអគារផ្ទះល្វែងនៅលើ វិថី Ryazansky Prospekt ប្រហែល 7 គីឡូម៉ែត្រភាគអាគ្នេយ៍នៃវិមានក្រឹមឡាំង។ ទីភ្នាក់ងារស៊ើបអង្កេតបានប្រកាសថា “ឧត្តមសេនីយ៍ឯក Igor Kirillov ប្រធានអង្គភាពការពារនុយក្លេអ៊ែរ គីមី និងវិទ្យុសកម្មជីវសាស្រ្តនៃកងកម្លាំងប្រដាប់អាវុធនៃសហព័ន្ធរុស្ស៊ី និងជំនួយការរបស់គាត់ត្រូវបានសម្លាប់” ។
អ្នកស៊ើបអង្កេត គ្រូពេទ្យជំនាញ និងអ្នកជំនាញគ្រាប់មីន កំពុងនៅកន្លែងកើតហេតុ ដើម្បីដោះស្រាយឧបទ្ទវហេតុនេះ។ អាជ្ញាធរកំពុងស្វែងរកជនល្មើស។ ការិយាល័យសារព័ត៌មាននៃគណៈកម្មាធិការស៊ើបអង្កេតរុស្ស៊ីបានបញ្ជាក់ពីព័ត៌មានអំពីការស្លាប់នៅកន្លែងកើតហេតុនៃការផ្ទុះ ប៉ុន្តែមិនបានផ្តល់ព័ត៌មានលម្អិតអំពីមូលហេតុនៃឧប្បត្តិហេតុនេះទេ៕ ដោយ៖ ធីរីណា
រូបថត៖ X
