សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីម្នាក់ជិះម៉ូតូទាំងស្ថានភាពស្រវឹងជ្រុលបុកបង្កាន់ដៃស្ពានអាកាសចោមចៅបណ្តាលឲ្យរងរបួសធ្ងន់ត្រូវបានកងសង្គ្រោះបន្ទាន់៧១១កងពលតូចលេខ៧០ដឹកទៅមន្ទីរពេទ្យភ្លាមៗ។
ហេតុការណ៍នេះបានកេីតឡេីងកាលពីវេលាម៉ោង៨និង៤៣នាទីយប់ថ្ងៃទី២១ខែធ្នូ ឆ្នាំ២០២៤ នៅលេីស្ពានអាកាសចោមចៅក្នុងភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះមានឈ្មោះ ឌី ដាម៉ារីណា ភេទស្រី អាយុ២៩ឆ្នាំ របួសមុខ រស់នៅភូមិព្រៃទា សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញស្ត្រីម្នាក់ជិះម៉ូតូស្គូពីពណ៌ស ធ្វេីដំណេីរពីផ្លូវសហព័ន្ធរុស្សុីឡេីងស្ពានអាកាសចោមចៅខណៈដល់លេីស្ពានអកសឺផ្លូវបំបែក មួយទៅផ្លូវជាតិលេខ៣ មួយចុះទៅផ្លូវចោមចៅក៏ជ្រុលបុកបង្កាន់ដៃស្ពានដួលបោករងរបួសធ្ងន់ ចំណែកម៉ូតូរងការខូចខាត។
ក្រោយកេីតហេតុជនរងគ្រោះត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០ ជួយដឹកបញ្ជូនទៅព្យាបាលនៅមន្ទីរពេទ្យព្រះកុសុមៈ ចំណែកម៉ូតូត្រូវបានសមត្ថកិច្ចមូលដ្ឋានយកទីរក្សាទុករង់ចាំបងប្អូនមកទទួល៕
ដោយ៖ សុខាសែនជ័យ
