សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅព្រឹកថ្ងៃទី២៥ ខែធ្នូ ឆ្នាំ២០២៤រដ្ឋបាលខណ្ឌសែនសុខ បានសហការជាមួយរដ្ឋបាលរាជធានីភ្នំពេញ មន្ទីរសាធារណការដាក់គ្រឿងចក្រធ្វេីការកែសម្រួលផ្លូវឆ្លងកាត់ស្ពានអោយមានទំនាប ងាយស្រួលបេីកបរ។ យោងតាមផេកផ្លូវការរបស់រដ្ឋបាលខណ្ឌសែនសុខ បានបង្ហោះយ៉ាងដូច្នេះថា, ដេីម្បីសម្រួលដល់ការធ្វេីដំណេីររបស់បងប្អូនប្រជាពលរដ្ឋ និងដេីម្បីបញ្ចៀសគ្រោះថ្នាក់ផ្សេងៗ ជូនដល់អ្នកធ្វេីដំណេីរឆ្លងកាត់ នៅព្រឹកថ្ងៃទី២៥ ខែធ្នូ ឆ្នាំ២០២៤ រដ្ឋបាលខណ្ឌសែនសុខ បានសហការជាមួយរដ្ឋបាលរាជធានីភ្នំពេញ មន្ទីរសាធារណការដាក់គ្រឿងចក្រធ្វេីការកែសម្រួលផ្លូវឆ្លងកាត់ស្ពានអោយមានទំនាប ងាយស្រួលបេីកបរស្ថិតក្នុងភូមិក្រាំងអង្ក្រង ភូមិព្រៃមូល សង្កាត់ក្រាំងធ្នង់ ខណ្ឌសែនសុខ។ សូមរំលឹកថា, មន្ត្រីជំនាញជួសជុលកែសម្រួល ជម្រាលស្ពានប្រឡាយទឹកស្អុយក្រាំងធ្នង់ បន្ទាប់ពីបង្កគ្រោះថ្នាក់ញឹកញាប់
បន្ទាប់ពីបង្កគ្រោះថ្នាក់ដល់អ្នកដំណើរនៅ ពេលយប់ញឹកញាប់នៅចំណុចជម្រាលស្ពាន ប្រឡាយទឹកស្អុយក្រាំងធ្នង់ មន្ត្រីជំនាញការិយាល័យសាធារណការ បរិស្ថាន និង
អនាម័យខណ្ឌសែនសុខ សហការជាមួយ មន្ទីរសាធារណៈការ និងដឹកជញ្ជូនរាជធានី
ភ្នំពេញ បានជួសជុលកែសម្រួលដើម្បីបង្កភាពងាយស្រួលដល់អ្នកដំណើរ។ មន្ត្រីការិយាល័យ សាធារណការ បរិស្ថាន និងអនាម័យ ខណ្ឌសែនសុខ បានប្រាប់សារព័ត៌មាន អោយដឹងព្រឹកថ្ងៃទី២៥ធ្នូ នេះថា ការជួសជុលកែសម្រួល ជម្រាលនៅចំណុចស្ពានប្រឡាយទឹកស្អុយ ក្រាំងធ្នង់ នៅលើផ្លូវសម្តេចជាស៊ីម នេះ ក្រុម មន្ត្រីជំនាញបានធ្វើការអ៊ុតកៅស៊ូ ប្រវែង២០ម៉ែត្រ ខាងកើត និងខាងលិច ផ្លូវ ២០ម៉ែត្រ ហើយក៏បានបន្ថែមនូវចំណាំងផ្លាត នៅបង្កាន់ដៃស្ពាន ដើម្បីបង្កើនភាពងាយស្រួលក្នុងការធ្វើដំណើរឆ្លងកាត់របស់ប្រជាលរដ្ឋ និង មិនបង្កគ្រោះថ្នាក់តទៅទៀត។ រដ្ឋបាលខណ្ឌសែនសុខ បានអំពាវនាវដល់ប្រជាពលរដ្ឋ និង អ្នកធ្វើដំណើរគ្រប់មធ្យោបាយទាំងអស់មេត្តាយោគយល់ និងអធ្យាស្រ័យ ចំពោះការរំខានដោយការដ្ឋាន និងសូមបង្កើនការប្រុងប្រយ័ត្នពេលបើកបរ ដោយការរដ្ឋានដំណើរការរយៈពេល២ថ្ងៃ គឺថ្ងៃទី២៥និង២៦ខែធ្នូនេះ៕
ដោយ៖ ចន្ទ លីហ្សា
