សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្តឡិចស៊ីសRx330មួយគ្រឿងបានបេីកឆ្លងផ្លូវខ្វះការប្រុងប្រយ័ត្នត្រូវបានម៉ូតូ២គ្រឿងបេីកបរនិងជិះដោយយុវជន៤នាក់ចាប់ហ្រ្វាំងមិនទាន់ជ្រុលទៅបុករថយន្តហេីយខ្ទាតបោកទៅលេីចិញ្ចេីមផ្លូវនឹងចង្ក្រានអាំងសាច់បណ្តាលឱ្យស្លាប់ ២នាក់និងរងរបួសធ្ងន់ស្រាល២នាក់ត្រូវបានរថយន្តសង្គ្រោះមន្ទីរពេទ្យបង្អែកខណ្ឌសែនសុខដឹកទៅមន្ទីរពេទ្យកម្ពុជា-ចិនព្រះកុសមៈ ។
ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោង៩និង ១០នាទីយប់ ថ្ងៃទី២៥ ខែធ្នូ ឆ្នាំ២០២៤ នៅតាមបណ្ដោយផ្លូវលេខ៩២ កែងផ្លូវ ១០១៥ដែលស្ថិតនៅសង្កាត់ភ្នំពេញថ្មី ខណ្ឌសែនសុខ ។
តាមប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកេីតហេតុគេឃើញរថយន្តម៉ាកឡិចស៊ីស៣៣០ ពណ៌ស ពាក់ផ្លាកលេខ ភ្នំពេញ 2AP-2098 បេីកបរតាមបណ្ដោយផ្លូវលេខ៩២ ក្នុងទិសដៅពីទៅលិចទៅកើតក្នុងល្បឿនយ៉ាងលឿន លុះបេីកមកដល់ផ្លូវបំបែកជាបួន រថរថយន្ដម៉ាកឡិចស៊ីសខាងលើបានបេីកឆ្លងផ្លូវក្នុងទិសដៅពីជេីងទៅត្បូងចូលផ្លូវ ១០១៥ ខណៈបេីកឆ្លងបានពាក់កណ្តាលផ្លូវក៏ស្រាប់តែ ឃេីញជនរងគ្រោះ២ម៉ូតូជិះទន្ទឹមគ្នាក្នុងល្បឿនយ៉ាងលឿនហេីយចាប់ហ្រ្វាំងមិនទាន់ក៏ជ្រុលទៅបុករថយន្តម៉ាកឡិចស៊ីសRx330ខាងលើ បណ្តាលឱ្យជនរងគ្រោះជិះម៉ូតូម៉ាកហុងដាឌ្រីមស៊េរីឆ្នាំ២០២២ ពណ៌ខ្មៅ ពាក់ផ្លាកលេខ ភ្នំពេញ 1JE-2135ជិះគ្នា២នាក់បានខ្ទាតទៅបោកនឹងចិញ្ចេីមផ្លូវនិងផេីងផ្កាព្រមទាំងចង្រ្កានអាំងសាច់ដែលគេទុកចោលស្លាប់២នាក់នៅកន្លែងកើតហេតុ ។ ចំណែកម៉ូតូមួយគ្រឿងទៀតម៉ាកហុងដាឌ្រីម ស៊េរីឆ្នាំ២០២៣ ពណ៌ស ពាក់ផ្លាកលេខភ្នំពេញ 1KG-5315 ជិះគ្នា២នាក់រងរបួសធ្ងន់ម្នាក់និងស្រាលម្នាក់ ។
ក្រោយកេីតហេតុភ្លាមៗ រថយន្តបង្កខាងលើបានបេីករត់ពីកន្លែងកើតហេតុតែត្រូវបានប្រជាពលរដ្ឋនាំគ្នាដេញឃាត់និងរាយការណ៍ទៅសមត្ថកិច្ចមូលដ្ឋានឲ្យយករថយន្តបង្កមកកាន់កន្លែងកេីតហេតុវិញ និងបាននាំអ្នកបេីកបររថយន្តបង្កទៅប៉ុស្តិ៍នគរបាលភ្លាមៗដើម្បីសាកសួរផងដែរ ។ ចំណែកសមត្ថកិច្ចជំនាញនៃការរិយាល័យចរាចរណ៍ផ្លូវគោករាជធានីភ្នំពេញក៏បានចុះមកធ្វេីការវាស់វែងយករថយន្តបង្ក និងម៉ូតូជនរងគ្រោះ ព្រមទាំងនាំខ្លួនម្ចាស់រថយន្តទៅកាន់ស្នងការដ្ឋានផ្នែកចរាចរណ៍ រាជធានីភ្នំពេញ ដេីម្បីដោះស្រាយពេលក្រោយ។ រីឯសពជនរងគ្រោះមិនស្គាល់អត្តសញ្ញាណ ត្រូវបានសមត្ថកិច្ចឲ្យក្រុមរថយន្តដឹកសព យកទៅតម្កល់នៅវត្តទឹកថ្លា រង់ចាំប្រគល់សពឲ្យក្រុមគ្រួសារចាត់ចែងធ្វេីបុណ្យតាមប្រពៃណី៕
ដោយ ៖ ភារ៉ា ដង្កោ
