សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ រដ្ឋបាលខេត្តព្រះសីហនុ នៅព្រឹកថ្ងៃពុធទី០១ ខែមករា ឆ្នាំ២០២៥នេះ បានឱ្យដឹងថា ចំនួនភ្ញៀវទេសចរជាតិ និងអន្តរជាតិ ដែលមកកម្សាន្ដនៅខេត្តព្រះសីហនុ ក្នុងពិធីបុណ្យឆ្លងឆ្នាំសកល ថ្ងៃទី៣១ ខែធ្នូ ឆ្នាំ២០២៤ មានចំនួនសរុប៣៥៣.៨២៣នាក់។
រដ្ឋបាលខេត្តព្រះសីហនុ បានគូសបញ្ជាក់ថា ក្នុងនោះមានភ្ញៀវជាតិ ៣៤៩.៨១០នាក់ និងភ្ញៀវបរទេស៤.០១៣នាក់។
ជាមួយគ្នានេះ រដ្ឋបាលខេត្ត ក៏សូមប្រសិទ្ធពរជ័យ សិរីមង្គល ក្នុងឆ្នាំថ្មី ឆ្នាំសកល ២០២៥! ជូនចំពោះមន្ត្រីរាជការ កងកម្លាំង និងបងប្អូនប្រជាពលរដ្ឋក្នុងខេត្តព្រះសីហនុទាំងអស់ សូមទទួលបានសេចក្តីសុខ សុភមង្គល និងសូមប្រកបដោយពុទ្ធពរទាំង៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
ដោយ៖ តារា
