សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជាកិត្តិយសរបស់រូបខ្ញុំបាទ ដែលបានចូលរួមសម្តែងក្នុងព្រឹត្តិ ការណ៍ «សាទរកម្ពុជា» ដ៏ពិសេសដែលរៀបចំឡើងដោយសហភាពសហព័ន្ធយុវជនកម្ពុជានៅសួនមុខព្រះបរមរាជវាំងកន្លងទៅនេះ។ វណ្ណដា តារាចំរៀងលំដាប់ពិភពលោក បានបង្ហោះសារបែបនេះលើផេកផ្លូវការរបស់ខ្លួន កាលពីម្សិលមុិញ ។
វណ្ណដា និយាយថា ៖ ទស្សនីយភាពសិល្បៈចម្រុះពីវប្បធម៌ខ្មែរជាច្រើនដែលត្រូវបានបង្ហាញនៅកម្មវិធីទាំងមូល គឺពិតជាស្រស់ស្អាតមែនទែន ហើយខ្ញុំពិតជារំភើបដែលបានឃើញពុកម៉ែបងប្អូនទាំងអស់បានចូលរួមរាំលេងកំសាន្តយ៉ាងសប្បាយរីករាយ ជាមួយនឹង ទឹកមុខពោរពេញទៅដោយស្នាមញញឹមដើម្បីស្វាគមន៍ឆ្នាំថ្មី។
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា សូមអរគុណដល់ក្រុមការងារ សហភាពសហព័ន្ធយុវជនកម្ពុជា យុវជនស័្មគ្រចិត្ត សាលារាជធានីភ្នំពេញ កងកម្លាំងប្រដាប់អាវុធ គ្រប់ប្រភេទ ក្រុមការងារអនាម័យ និងក្រុមការងាទាំអស់ ដែលបានចូលរួមសហការរៀបចំព្រឹត្តិការណ៍ “សាទរកម្ពុជា “ ទៅបានរលូន និងសុខសុវត្ថិភាព ជូនដល់បងប្អូន អ៊ំ ពូ មីង តាយាយ ភ្ញៀវទេសចរជាតិ និងអន្តរជាតិ មកចូលរួមលេងកម្សាន្ត និងសាទរឆ្នាំថ្មី ឆ្នាំសកល ២០២៥ ប្រកបដោយសន្តិសុខ សណ្ដាប់ធ្នាប់ ជាទីបំផុត ៕
ដោយ ៖ សិលា
