សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ស្ត្រីម្នាក់បានបើករថយន្តតូយ៉ូតាព្រុសគេចពីម៉ូតូក៏រេចង្កូតជ្រុលទៅបុកក្បាលថ្មពុះចែកទ្រូងផ្លូវបណ្ដាលឱ្យខូចខាតកាលពីវេលាម៉ោង៧និង៣០នាទីយប់ ថ្ងៃទី១៣ខែមករាឆ្នាំ២០២៥ នៅទល់មុខផ្ទះអតីតឧកញ៉ាថៃប៊ុនរ៉ុង ផ្លូវ(២១៧)ហៅផ្លូវព្រះមុនីរ៉េត សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ ។
តាមប្រភពពីស្ត្រីដែលជាអ្នកបើកបររថយន្តបានឱ្យដឹងថា មុនពេលកើតហេតុគាត់បានបើករថយន្តរបស់គាត់ម៉ាកតូយ៉ូតាព្រុស ពណ៌ស ពាក់ស្លាកលេខភ្នំពេញ 2BL-1014 ធ្វើដំណើរតាមបណ្ដោយផ្លូវ២១៧ក្នុងទិសដៅពីលិចទៅកើត ពេលមកដល់ចំណុចកើតហេតុក៏បានគេចពីម៉ូតូមួយគ្រឿងធ្វើឱ្យរថយន្តរបស់គាត់រេចង្កូតជ្រុលទៅបុកជាមួយនឹងក្បាលថ្មពុះចែកទ្រូងផ្លូវបណ្ដាលឱ្យរថយន្តបាក់រ៉ូទីលមុខចំហៀងខាងឆ្វេងទៅមុខលែងរួច តែសំណាងល្អមិនមានគ្រោះថ្នាក់ដល់មនុស្ស។
ដោយឡែកក្បាលថ្មពុះចែកទ្រូងផ្លូវវិញរងការខូចខាតខ្ទាតចេញពីទ្រង់ទ្រាយដើមអស់ចំនួនមួយកង់ផងដែរ ។
ក្រោយកេីតហេតុរថយន្តត្រូវសមត្ថកិច្ចស្ទូចយកទៅរក្សាទុកនៅការិយាល័យនគរបាលចរាចរណ៍ផ្លូវគោកដេីម្បីរង់ចាំដំណោះស្រាយ ៕
ដោយ៖ សុខាសែនជ័យ
