សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្ត TOYOTA PRIUS បេីកលឿនខ្វះការប្រុងប្រយ័ត្នជ្រុលទៅបុករថយន្ត NISSAN INFINITI រងការខូចខាតទាំងសងខាងបង្កឱ្យមានការភ្ញាក់ផ្អើលកាលពីវេលាម៉ោង១០និង ១០នាទីយប់ថ្ងៃទី ១៣ ខែមករា ឆ្នាំ២០២៥ នៅតាមបណ្តោយផ្លូវ ៣១៣កែងផ្លូវ ៥៦៦ ដែលស្ថិតនៅសង្កាត់ បឹងកក់ទី2 ខណ្ឌទួលគោក រាជធានីភ្នំពេញ។
យោងតាមប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកេីតហេតុ គេឃើញរថយន្តម៉ាកTOYOTA PRIUS មួយគ្រឿងពណ៌ក្រហម ពាក់ផ្លាកលេខភ្នំពេញ 2BO-6891បេីកបរតាមបណ្ដោយផ្លូវលេខ313 ក្នុងទិសដៅពីជេីងទៅត្បូងដោយល្បឿនយ៉ាងលឿន លុះបេីកមកដល់ចំណុចកេីតផ្លូវបំបែកជាបួនក៏ស្រាប់តែឃេីញរថយន្ដម៉ាកNISSAN INFINITI ពណ៌ស ពាក់ផ្លាកលេខភ្នំពេញ 2S-8368 បេីកបរដោយនារីម្នាក់តាម បណ្ដោយផ្លូវលេខ566 ក្នុងទិសដៅពីកេីតទៅលិចដោយល្បឿនមធ្យម ហេីយក៏ស្រាប់តែជ្រុលទៅបុកគ្នាពេញទំហឹងបណ្តាលឱ្យរងការខូចខាតទាំងសងខាង ។ ចំណែករថយន្តម៉ាក NISSAN INFINITIដែលបេីកបរដោយនារីម្នាក់ខាងលេី ដោយនិយាយប្រាប់ថា រថយន្តគាត់បេីកតិចៗទេ តែខាងរថយន្ត TOYOTA PRIUS បេីកលឿនមកបុករថយន្តគាត់តែម្តង ។
ក្រោយពេលកេីតហេតុសមត្ថកិច្ចជំនាញចរាចរណ៍ផ្លូវគោកនៃអធិការដ្ឋាននគរបាលខណ្ឌទួលគោកបានចុះមកធ្វើការវាស់វែងយករថយន្តទាំងពីរគ្រឿងទៅរក្សាទុករង់ចាំការដោះស្រាយនៅពេលក្រោយ ៕
ដោយ ៖ ភារ៉ា ដង្កោ
