ឃាត់ខ្លួនជនសង្ស័យម្នាក់ក្នុងណោម២នាក់ករណីយកម៉ូតូមិត្តភក្តិទៅបញ្ចាំនៅឃ្លាំងរំសេវបាន១ថ្ងៃ

ភ្នំពេញ ៖ ជនសង្ស័យម្នាក់ក្នុងចំណោម២នាក់ ត្រូវបានកំលាំងរបស់អធិការដ្ឋាននគរបាលខណ្ឌសែនសុខឃាត់ក្រោយពីរូបគេបានយកម៉ូតូរបស់មិត្តភក្តិទៅបញ្ចាំបាន១ថ្ងៃនៅម្តុំផ្សារឃ្លាំងរំសេវ ។

ករណីនេះបានកើតឡើងកាលពីវេលាម៉ោង ២០និង០០នាទីយប់ថ្ងៃទី ៣០ខែសីហា ឆ្នាំ ២០១៦ នៅចំណុចភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ ។

ជនសង្ស័យមានឈ្មោះ ទុន បូរិន ភេទប្រុស អាយុ ២៧ មុខរបរជាងពិដាន ស្នាក់នៅភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ បានយកម៉ូតូ១គ្រឿងម៉ាកហុងដាសេ១២៥ សេរី២០១៥ ពណ៍ខ្មៅ ពាក់ស្លាកលេខ 1F -2779 ក្នុងតំលៃ៣០០$ យកលុយលេងហ្គេមបាញ់ត្រីអស់កាលពីថ្ងៃទី២៩ខែសីហា ឆ្នាំ២០១៦ កន្លងទៅ ។

ចំណែកជនរងគ្រោះមានឈ្មោះ អែម ជីវ៉ា ភេទប្រុស អាយុ ២២ឆ្នាំ មុខរបរកម្មកកម្មករ ស្នាក់នៅផ្លូវរទេះភ្លើង ភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ ។

លោកវរសេនីយ៍ឯក ម៉ក់ ហុង អធិការនគរបាលខណ្ឌសែនសុខបានប្រាប់អោយដឹងថា ខណៈលោកកំពុងចុះបំពេញបែបបទ ផ្តល់អត្តសញ្ញាណប័ណ្ណនិងសៀវភៅស្នាក់នៅជូនប្រជាពលរដ្ឋនៅភូមិដំណាក់ ទាំងយប់នោះលោកទទួលព័ត៌មានថាមានករណីខាងលើ ក៍បានដឹកនាំកម្លាំងប៉ុស្តិ៍ ចុះផ្ទាល់ទៅទីតាំងកើតហេតុខណៈនោះជនសង្ស័យនិងបក្ខពួកបានព្យាយាមរត់គេចតែត្រូវកំលាំងសមត្ថកិច្ចឃាត់ខ្លួនជនសង្ស័យបានម្នាក់មកវិញ ។

បច្ចុប្បន្នជនសង្ស័យខាងលើកំពុងសួរនាំនៅប៉ុស្តិ៍រដ្ឋបាលក្រាំងធ្នង់ និងបញ្ជូនបន្តទៅអធិការដ្ឋាននគរបាលខណ្ឌ សែនសុខកសាងសំណុំរឿងចាត់ការបន្តតាមនិតិវិធី ៕ តុង សីហា

សូមអានបន្ត ៖ វីរុស Zika ២៦ករណីទៀតឆ្លងនៅក្នុងប្រទេសសិង្ហបុរី