សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរស២នាក់ជិះម៉ូតូហុងដាប៊ីតខ្វះការប្រុងប្រយ័ត្នជ្រុលទៅបុករថយន្តឡិចស៊ីសស៊េរីទំនើបបើកឆ្លងផ្លូវចេញពីភោជនីយដ្ឋានយ៉ាងពេញទំហឹងបណ្ដាលឱ្យរងការខូចខាត។
ហេតុការណ៍នេះបានកើតឡើងនៅវេលាម៉ោង៨យប់ ថ្ងៃទី៣០ ខែមករា ឆ្នាំ ២០២៥ ទល់មុខភោជនីយដ្ឋាន ឡោទីហ្វាង ផ្លូវ១៧៣ សង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តស៊េរីទំនើបម៉ាកឡិចស៊ីស 450d ពណ៌ស ពាក់ស្លាកលេខ ភ្នំពេញ 2BO 3899 ជិះជាលក្ខណៈគ្រួសារបានបើកចេញពីភោជនីយដ្ឋានមួយកន្លែងឆ្លងបញ្ឆិតកាត់ទទឹងផ្លូវ១៧៣ដើម្បីឡើងទៅរកស្ដាំរបស់ខ្លួនដោយមានសន្តិសុខជួយសម្រួលចរាចរណ៍ផងដែរ ខណៈរថយន្តបេីកឆ្លង បានបន្តិចក៏ស្រាប់តែមានបុរស២នាក់បានជិះម៉ូតូម៉ាកហុងដាពណ៌សបិទស្កុតពណ៌ខ្មៅ ពាក់ស្លាកលេខ ភ្នំពេញ 1JT-0588 បានធ្វើដំណើរតាមបណ្ដោយផ្លូវ១៧៣ ក្នុងទិសដៅពីលិចទៅកើតដោយល្បឿនលឿនក្នុងស្ថានភាពស្រវឹងផងនោះ ជាន់ហ្រ្វ័ងមិនជាប់ក៏ជ្រុលទៅបុករថយន្តចំផ្នែកខាងមុខចំហៀងខាងឆ្វេងយ៉ាងពេញទំហឹងបណ្ដាលឱ្យរងការខូចខាតរថយន្តកាងមុខចំហៀងខាងឆ្វេង ។
ចំណែកម៉ូតូខូចខាតផ្នែកខាងមុខគាបជាប់ ជាមួយនឹងរថយន្តតែមិនមានគ្រោះថ្នាក់ដល់មនុស្សនោះទេ ។
ក្នុងហេតុការណ៍នេះដែរភាគីទាំងសងខាងដោយខាងរថយន្តគាត់ទាមទារសំណង២ពាន់ដុល្លារថ្លៃជួសជុល តែខាងម៉ូតូសុំសង់សំណង១២០០ដុល្លារ បញ្ចប់ រឿងនៅកន្លែងកើតហេតុតែម្ដង ៕
ដោយ៖ សុខាសែនជ័យ
