ព័ត៌មានទាន់ហេតុការណ៍៖

ការកំណត់ចំណូលពីភ្ញៀវទេសចរណ៍នៅថៃត្រូវបានកែតម្រូវឡើងវិញ

ចែករំលែក៖

អាជ្ញាធរទេសចរណ៍ថៃបានកែប្រែគោលដៅចំណូលទេសចរណ៍ក្នុងឆ្នាំ២០១៦ ដោយបង្កើនដល់១៤ភាគរយស្មើនឹង ២,៥៨ពាន់ពាន់លានបាតបន្ទាប់ពីមាន កំណើនសេដ្ឋកិច្ចខ្លាំងនៅក្នុងរយៈពេល ៩ខែដំបូងនេះ។

លោក Yuthasak Supasorn ប្រធានអាជ្ញាធរនេះបានឱ្យដឹងថា ចំណូល ចំនួន១,៧២ពាន់ពាន់លានបាតនឹងបាន មកពីភ្ញៀវបរទេសពោលគឺកើនឡើង១៨ភាគរយបើធៀបនឹងឆ្នាំមុន ហើយនៅសល់៨៦០ពាន់ពាន់បាតគឺបានមកពីភ្ញៀវក្នុងស្រុកពោលគឺកើនឡើង៧ភាគរយ។
លោកបានបន្តទៀតថា ការកែប្រែនេះគឺពឹងផ្អែកទៅលើកំណើនសេដ្ឋកិច្ចដ៏ខ្លាំងនៅក្នុងរយៈពេល៩ខែដំបូងទាំងទីផ្សារទេសចរណ៍ក្នុងស្រុក និងបរទេស។

អាជ្ញាធរនេះបានទស្សទាយថា ចំណូល នៅក្នុងរយៈពេល៩ខែដំបូងនៃឆ្នាំ២០១៦នេះនឹងកើនឡើង១៤ភាគរយដល់ចំនួន ១,៨៨ពាន់ពាន់លានបាត។

ភ្ញៀវដែលមកដល់ប្រទេសថៃនឹង ឈានដល់២៤,៩៤លាននាក់ពោលគឺកើន ឡើង១៣ភាគរយហើយនឹងរកចំណូល បានចំនួន១,២៥ពាន់ពាន់លានបាតពោលគឺកើនឡើង ១៧ភាគរយ។
ខណៈនោះដែរភ្ញៀវទេសចរណ៍ក្នុងស្រុកក៏ត្រូវបានគេរំពឹងផងដែរថានឹងមានចំនួន ១១១លាននាក់ពោលគឺកើនឡើង៤ភាគ រយហើយរកចំណូលបាន៦២៩ពាន់លាន បាតពោលគឺកើនឡើង៦ភាគរយក្នុងរយៈ ពេល៩ខែ។

គេបានព្យាករថា ចំនួនភ្ញៀវទេសចរនឹងកើនឡើងដែលភាគច្រើនបានមកពីទីផ្សារដូចជា អាស៊ីខាងត្បូងឈាងខាងកើត (១៧ភាគរយ) អាមេរិក(១៥ភាគរយ) អាស៊ាន(១០ភាគរយ) អឺរ៉ុប (១០ភាគ រយ) អាស៊ីកណ្តាល(៨ភាគរយ) និងអាហ្វ្ រិក(៥ភាគរយ)ហើយនិងទីផ្សារអូសេ អានីមានចំនួន០,៧ភាគរយ៕ រ័ត្ន

 

art-Thailand-Beach-Krabi-620x349
សូមអានបន្ត ៖ ការលក់រថយន្តនៅកូរ៉េខាងត្បូងធ្លាក់ចុះ២ខ្ទង់ដោយសារតែការធ្វើបាតុកម្មរបស់កម្មករ


ចែករំលែក៖