សារព័ត៌មាន នគរវត្ត តែងតែនាំមុខគេជានិច្ច
ខេត្តរតនគីរី៖ យោងតាមប្រភពព័ត៌មានពីផេកហ្វេសប៊ុកផ្លូវការរបស់លោក នេត្រ ភក្ត្រា រដ្ឋមន្រ្តីក្រសួងព័ត៍មាន នៅព្រឹកថ្ងៃចន្ទទី២៤ ខែកុម្ភៈ ឆ្នាំ២០២៥នេះ បានបង្ហាញថា៖ នៅឆ្នាំ២០២៤កន្លងទៅ ខេត្តរតនគិរី មានផ្ទៃដីដាំដុះសរុបចំនួន ១៣២.២៨៨ ហិកតា ក្នុង នោះរួមមាន៖
១.ផ្ទៃដីសម្រាប់ដំណាំស្រូវ មានចំនួន ៣៧.៤៥៩ ហិកតា បរិមាណផលទទួលបាន ជាមធ្យមក្នុង១ឆ្នាំ ៩៩.០៩៥ តោន ។
២.ផ្ទៃដីដំណាំសាកវប្បកម្ម(ឈើហូបផ្លែ) មានចំនួន ៨.៦០៩ ហិកតា បរិមាណផលទទួលបាន ២៦២.៩៩២តោន ។
៣.ដំណាំរួមផ្សំដូចជា ពោត ដំឡូង និងបន្លែ គ្រប់មុខ មានចំនួន ៣៥០ហិកតា បរិមាណផលទទួលបាន ៣៥៩តោន ។
៤.ផ្ទៃដីដំណាំឧស្សាហកម្ម (រយៈពេលខ្លី និងរយៈវែង) មានចំនួន ៨៥.៨៧០ ហិកតា បរិមាណផលទទួលបាន ៤៦៧.៤២០ តោន ។
ស្ថានភាពជញ្ជីងពាណិជ្ជកម្មខេត្ត តាមច្រកទ្វារព្រំដែនអន្តរជាតិ សម្រាប់រយៈពេល ១២ខែ ឆ្នាំ២០២៤ កន្លងទៅនេះ ខេត្តបាននាំចេញផលិតផលកសិកម្ម និងកសិ-ឧស្សាហកម្ម ដែលរួមមានដូចជា៖ កៅស៊ូក្រែប ដំឡូងមី គ្រាប់ស្វាយចន្ទី សណ្តែកសៀង ម្រេច ចេកអំបូងលឿង ស្វាយ មៀន ម្ចាស់ ទៅកាន់ប្រទេសវៀតណាម មានបរិមាណសរុបប្រមាណជា ៧០.៦១០ តោន ស្មើនឹងទឹកប្រាក់ ៦១.៦០២.៣៥៣ ដុល្លារសហរដ្ឋអាមេរិក៕
ដោយ៖ តារា
ករណីអគ្គិភ័យឆាបឆេះជេីងភ្នំជីសូរមិនបណ្តាលឲ្យខូចខាតដល់ប្រាសាទនិងទ្រព្យសម្បត្តិពលរដ្ឋនោះទេ
