🔥ករណីអគ្គិភ័យឆាបឆេះជេីងភ្នំជីសូរមិនបណ្តាលឲ្យខូចខាតដល់ប្រាសាទនិងទ្រព្យសម្បត្តិពលរដ្ឋនោះទេ

ខេត្តតាកែវ​ ៖​ ករណីអគ្គិភ័យមួយបានឆាបឆេះព្រៃរបោះជេីងភ្នំជីសូ​រ(ភ្នំតូច)ដែលមានទីតាំងស្ថិតនៅក្នុងភូមិដក់ពរ ឃុំរវៀង ស្រុកសំរោង​ ខេត្តតាកែវ​ កាលពីព្រលប់ថ្ងៃទី២៣​ ខែកុម្ភៈ​ ឆ្នាំ២០២៥។ 

 ករណីនេះដែរតាមការឲ្យដឹងពីលោកវរសេនីយ៍ឯក ភី ឆុន​ អធិការនៃអធិការដ្ឋាននគរបាលស្រុកសំរោងថា​ ក្រោយកេីតមានអគ្គិភ័យនេះ​ឡេីង​ លោកបានដឹកនាំកម្លាំងជំនាញបង្ការនិងពន្លត់អគ្គិភ័យស្រុកសហការ និងកម្លាំងប៉ុស្តិ៍រដ្ឋបាលរវៀង ប្រជាការពារនិងប្រជាពលរដ្ឋ បានចុះជួយអន្តរាគមន៍ពន្លត់ដោយបានប្រើប្រាស់រថយន្តអង្គភាពអគ្គិភ័យ​ បាញ់ពន្លត់រហូតរលត់ជាស្ថាពរនៅវេលាម៉ោង២០និង០០នាទីថ្ងៃខែឆ្នាំដដែល។​    

    លោកអធិការស្រុកបញ្ជាក់ថា​  អគ្គិភ័យខាងលើមិនបណ្ដាលឲ្យខូចខាតទ្រព្យសម្បត្តិប្រជាពលរដ្ឋដែលលក់ដូរនៅតាមជើងភ្នំនោះទេ​ ពិសេសមិនបណ្តាលឲ្យប៉ះពាល់ប្រាសាទបូរាណ​ គឺឆេះតែព្រៃរបោះនិងស្មៅក្រាស់នៅជេីងភ្នំអស់មួយចំនួនតែប៉ុណ្ណោះ។

   ដោយឡែកតាមការសន្និដ្ឋាពីសមត្ថកិច្ចថា ករណីនេះសង្ស័យមានអ្នកដុតភ្លើងដើម្បីយកឃ្មុំ​ ហេីយធ្វេសប្រហែសទេីបបណ្តាលឱ្យកើតជាអគ្គិភ័យនេះឡើងតែម្តង៕

ដោយ​ ៖​ ភារ៉ា​ ដង្កោ