សារព័ត៌មាន នគរវត្ត តែងតែនាំមុខគេជានិច្ច
ភំ្នពេញ៖ យោងតាមអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ នៅព្រឹកថ្ងៃព្រហស្បតិ៍ ទី២០ ខែមីនា ឆ្នាំ២០២៥ លោកឧត្តមសេនីយ៍ឯក ជា ពៅ អគ្គស្នងការរងនគរបាលជាតិ តំណាងលោកនាយឧត្តមសេនីយ៍ ស ថេត អគ្គស្នងការនគរបាលជាតិ បានអញ្ជើញជាអធិបតីក្នុងពិធីបើក-បិទវគ្គបណ្តុះបណ្តាល ស្តីពីប្រព័ន្ធគ្រប់គ្រងឯកសាររដ្ឋបាលឌីជីថល eGCNP របស់អគ្គស្នងការដ្ឋាននគរបាលជាតិ។
ពិធីនេះ មានការអញ្ជើញចូលរួមដោយតំណាងសេនាធិការដ្ឋាន ជំនួយការ លោក លោកស្រី អគ្គស្នងការរងនគរបាលជាតិ តំណាងប្រធានលេខាធិការដ្ឋាន នាយការិយាល័យរដ្ឋបាល-សរុប នៃនាយកដ្ឋាន មន្ទីរ អង្គភាព ស្នងការ នាយផ្នែករដ្ឋបាល-សរុប នៃក្រុមស៊ើបអង្កេតបទល្មើសឆ្លងដែន (TCT) នាយផ្នែករដ្ឋបាល-សរុប នៃក្រុម CNP-GDI-FBI Task Force នាយផ្នែករដ្ឋបាល-សរុប នៃការិយាល័យបុគ្គលិក នាយផ្នែករដ្ឋបាល-សរុប នៃការិយាល័យកិច្ចការបរទេស នាយផ្នែករដ្ឋបាល-សរុប នៃការិយាល័យនគរបាលអន្តរជាតិ សរុបចំនួន ១៤០រូប។
ជាកិច្ចចាប់ផ្តើម លោកឧត្តមសេនីយ៍ឯក ជា ពៅ អគ្គស្នងការរងនគរបាលជាតិ ដោយទទួលបានគោលការណ៍អនុញ្ញាត លោកអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងលោកនាយឧត្តមសេនីយ៍ ស ថេត អគ្គស្នងការនគរបាលជាតិ បានអនុញ្ញាតឱ្យ លោកឧត្តមសេនីយ៍ឯក ជា ពៅ អគ្គស្នងការរងនគរបាលជាតិ បានអញ្ជើញជាអធិបតីក្នុងពិធីបើក-បិទវគ្គបណ្តុះបណ្តាល ស្តីពីប្រព័ន្ធគ្រប់គ្រងឯកសាររដ្ឋបាលឌីជីថល eGCNP របស់អគ្គស្នងការដ្ឋាននគរបាលជាតិនាពេលនេះ។
ជាកិច្ចបញ្ចប់ លោកឧត្តមសេនីយ៍ឯក ជា ពៅ សង្ឃឹមថា អស់លោក លោកស្រី ឧត្តមសេនីយ៍ វរសេនីយ៍ នឹងត្រងត្រាប់ស្តាប់ដោយផ្ចិតផ្ចង់និងយកចិត្តទុកដាក់ក្នុងការធ្វើបទបង្ហាញរបស់ក្រុមការងារ សង្ឃឹមថាអាចនឹងយកទៅប្រើប្រាស់នាពេលខាងមុខ នៅពេលដាក់កម្មវិធីប្រើប្រាស់ជាផ្លូវការ៕
ដោយ៖ តារា
រថយន្ដបេីកទាក់ខ្សែភ្លើងបណ្តាលឱ្យដាច់បង្កជាអគ្គិភ័យឆេះផ្អើលប្រជាពលរដ្ឋនិងរថយន្តពន្លត់អគ្គិភ័យចេញអន្តរាគមន៍