សារព័ត៌មាន នគរវត្ត តែងតែនាំមុខគេជានិច្ច
អ្នកលេងដាវសាំម៉ូរ៉ៃជប៉ុនក្លាយជាក្រុមដំបូងគេបានកៅអីទៅប្រកួត World Cup 2026 កាលពីថ្ងៃព្រហស្បតិ៍ដោយ កីឡាករ Daichi Kamada និង Takefusa Kubo បានស៊ុតបញ្ចូលទីក្នុងតង់ទី 2 ជួយឱ្យជប៉ុនឈ្នះ បារ៉ែន 2-0 ទទួលបានសិទ្ធិលេងជាមួយនឹងម្ចាស់ផ្ទះសហរដ្ឋអាមេរិក កាណាដា និងម៉ិកស៊ិកនៅឆ្នាំក្រោយ ហើយវានឹងក្លាយជាការបង្ហាញខ្លួនប្រាំបីដងជាប់គ្នាក្នុងព្រឹត្តិការណ៍ World Cup។
ការទទួលជ័យជម្នះក្នុងផ្ទះរបស់អូស្ត្រាលីក្នុងលទ្ធផល 5-1 លើក្រុមឥណ្ឌូនេស៊ីកាលនៅថ្ងៃជាមួយគ្នានោះ មានន័យថា ជប៉ុននឹងដណ្តើមបានកៅអីរបស់ពួកគេ បើទោះបីជាបានត្រឹមស្មើក៏ដោយ។ ប៉ុន្តែ កីឡាករ Kamada បានធ្វើឱ្យអ្នកទស្សនាប្រហែល 60,000 នាក់សប្បាយជក់ចិត្តនឹងការស៊ុតបញ្ចូលទីក្នុងទឹកដីរបស់ខ្លួន។
អូស្ត្រាលីស្ថិតក្នុងចំណាត់ថ្នាក់លេខ ២ ក្នុងពូល C ខណៈលេខ១គឺជប៉ុន។ គ្រាប់បាល់ពីរគ្រាប់ក្នុងរយៈពេលពីរនាទីបានជួយក្រុមកង់គូរ៉ូអូស្រ្តាលីយកឈ្នះឥណ្ឌូនេស៊ី 5-1។ ជប៉ុននាំមុខមាន ១៩ពិន្ទុ អូស្ត្រាលីឈរលេខ២មាន១០ពិន្ទុដាច់ក្រុមដេញតាមពីក្រោយអារ៉ាប៊ីសាអ៊ូឌីត ឥណ្ឌូនេស៊ី បារ៉ែន និងចិន ៤ ពិន្ទុ ៕
ដោយ៖ ភារៈ
