ជាងផ្សារដំបូលដែក មិនប្រយ័ត្នធ្លាក់កម្ទេចផ្កាភ្លើង ឆេះក្យូសស្បូវ​ ហាង​ មាស​ មាសKTV រងការខូចខាត

ភ្នំពេញ ៖ អគ្គិភ័យមួយបានឆាបឆេះ ក្យូសប្រក់ស្បូវ ក្នុងហាងមួយកន្លែង​ បង្កការភ្ញាក់ផ្អេីលដល់បងប្អូនប្រជាពលរដ្ឋនិងសមត្ថកិច្ចចេញរថយន្តជួយអន្តរាគមន៍ភ្លាមៗ។ 

ហេតុការណ៍នេះបង្កការភ្ញាក់ផ្អើលកាលពីវេលាម៉ោង ១២ថ្ងៃត្រង់ថ្ងៃទី ២២ ខែមីនា ឆ្នាំ២០២៥ នៅចំណុច​នហាង​ យីហោ​ មាស​ មាសKTV ផ្លូវ៣០ម៉ែត្រ ក្រោយវត្តឃ្មួញ ក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ ។ 

តាមប្រភពព័ត៌មានពីប្រជាពលរដ្ឋបានឲ្យដឹងថា មុនកើតហេតុ មានជាងមួយក្រុមបានមកជួសជុល  ដំបូល ដើម្បីផ្សារ ខណៈកំពុងតែផ្សារដំបូល ក៏ស្រាប់តែធ្លាក់កម្ទេចផ្កាភ្លើង ចុះទៅក្រោម ដែលខាងក្រោមមានក្យូសប្រក់ស្បូវ ជាច្រើនជាប់ៗគ្នា បណ្តាលឱ្យឆាបឆេះយ៉ាងខ្លាំងតែម្តង ។ ភ្លាមៗ ប្រជាពលរដ្ឋបាននាំគ្នាជួយយកទឹកបាញ់ពន្លត់ ប៉ុន្តែដោយសារអណ្តាតភ្លើងភាយចំហាយក្តៅខ្លាំងពេក ទើបរាយការណ៍ជូនសមត្ថកិច្ចជំនាញអគ្គិភ័យ ចុះមកជួយអន្តរាគមន៍ ។

ក្នុងហេតុការណ៍គ្រោះអគ្គិភ័យខាងលេីនេះផងដែរ​ បានឆាបឆេះក្យូសប្រក់ស្បូវអស់ចំនួន០៦ អស់ទាំងស្រុង នឹងបានប្រើប្រាស់រថយន្តពន្លត់អគ្គិភ័យរបស់ស្នងការដ្ឋាននគរបាលរាជធានីភ្នំពេញ អស់ចំនួន០២គ្រឿង បាញ់រលត់ជាស្ថាពរ ។ ចំពោះមូលហេតុ សមត្ថកិច្ចស្រាវជ្រាវរកឃើញថា បណ្តាលមកពី ជាងផ្សារធ្លាក់កម្ទេចភ្លើង ៕

ដោយ ៖ សុខាសែនជ័យ