សារព័ត៌មាន នគរវត្ត តែងតែនាំមុខគេជានិច្ច
លោកThiago Motta ត្រូវបានបណ្តេញចេញពីតំណែងជាអ្នកចាត់ការ ក្លឹបបាល់ទាត់សេះបង្កង់Juventus ដោយក្លឹបកំពុងឈរនៅលេខ ៥ ក្នុងក្របខ័ណ្ឌ អុីតាលី Serie A ដែលមាន ១២ ពិន្ទុតាមពីក្រោយក្រុមកំពូលតារាង Inter Milan ក្នុងចំណោម ២៩ ប្រកួត។
អតីតខ្សែបម្រើ Barcelona និង PSG ពេលនេះនឹងត្រូវជំនួសដោយអតីតកីឡាករសេះបង្កង់លោក Igor Tudor ដែលនឹងចូលកាន់តំណែងភ្លាមៗ។
សេចក្តីថ្លែងការណ៍របស់ក្លឹបបានសរសេរថា “Juventus FC ប្រកាសថាខ្លួនបានបញ្ចប់ Thiago Motta ពីភារកិច្ចរបស់គាត់ក្នុងនាមជាគ្រូបង្វឹកឈុតធំ។ ក្លឹបសូមអរគុណ Thiago Motta និងបុគ្គលិកទាំងអស់របស់គាត់សម្រាប់ការងារប្រកបដោយ វិជ្ជាជីវៈដែលបានអនុវត្តក្នុងខែទាំងនេះដោយការយកចិត្តទុកដាក់ សូមជូនពរពួកគេឱ្យទទួលបានលទ្ធផលល្អនាពេលអនាគត។”
Juventus FC ក៏ប្រកាសដែរថា ខ្លួនបានប្រគល់ការដឹកនាំក្រុមដល់ Igor Tudor ដែលនឹងដឹកនាំវគ្គហ្វឹកហាត់ដំបូងនៅថ្ងៃស្អែក។
Motta បានចាញ់តែបីប្រកួតក្នុងលីគក្នុងនាមជាអ្នកដឹកនាំក្រុម របស់ Juventus នៅរដូវកាលនេះ ប៉ុន្តែគេបានឃើញថាក្រុមរបស់គាត់ប្រកួតស្មើច្រើនប្រកួតរហូតដល់១៣ដង ៕
ដោយ៖ ភារៈ
