សារព័ត៌មាន នគរវត្ត តែងតែនាំមុខគេជានិច្ច
ក្លឹបសារិកាព្រៃ Newcastle United ត្រូវរងចាំអស់រយៈពេល៧០ឆ្នាំទើបអាចឈ្នះពានរង្វាន់ក្នុងប្រទេសអង់គ្លេស ហើយបានប្រារព្ធពិធីអបអរសាទរយ៉ាងអស្ចារ្យកាលពីម្សិលម៉ិញ។
អ្នកគាំទ្រ Newcastle United រាប់ម៉ឺននាក់បានប្រមូលផ្តុំគ្នានៅក្នុងទីក្រុងកាលពីថ្ងៃសៅរ៍ដើម្បីអបអរពានរង្វាន់ដោយពួកគេបានស្លៀកពាក់ឈុតបាល់ទាត់របស់ក្លឹបពាសពេញផ្លូវហាក់បីដូចជាសមុទ្រពណ៌សខ្មៅ។
Newcastle បានលើកពានLeague Cup កាលពីថ្ងៃទី 16 ខែមីនា បន្ទាប់ពីយកជ័យជម្នះ 2-1 លើក្រុម Liverpool ក្នុងវគ្គផ្តាច់ព្រ័ត្រនៅកីឡដ្ឋាន Wembley ។
ឡានក្រុង និងហ្វូងមនុស្សធ្វើដំណើរមកជិតទីតាំង Town Moor ផ្សែងពណ៌សបានគ្របដណ្តប់តំបន់នេះដោយមានការច្រៀងរាំយ៉ាងសប្បាយ។
លោក Eddie Howe អ្នកចាត់ការទូរទៅក្លឹបNewcastle បានថ្លែងថា គាត់ពិតជារំជួលចិត្តខ្លាំងដែលបាននាំមកនូវភាពសប្បាយរីករាយជូនក្លឹបក៏ដូចជាអ្នកគាំទ្រ៕
ដោយ៖ ភារៈ
