សារព័ត៌មាន នគរវត្ត តែងតែនាំមុខគេជានិច្ច
ខេត្តស្ទឹងត្រែង ៖ រួមគ្នាដើម្បីស្ទឹងត្រែងស្រស់ស្អាត និងរីកចម្រើន! ចាប់ពីពេលនេះទៅមុខ ប្រជាពលរដ្ឋខេត្តស្ទឹងត្រែងនឹងមានសួនសាធារណៈថ្មី ដែលជាកន្លែងអាចផ្តល់ផាសុខភាព និងលម្អសម្រស់ខេត្តអោយកាន់តែទាក់ទាញ។
សូមបញ្ជាក់ថា ៖ នៅព្រឹកថ្ងៃអាទិត្យ ទី ៣០ ខែមីនា ឆ្នាំ ២០២៥ លោក សរ សុពុត្រា អភិបាលខេត្តស្ទឹងត្រែង បានដឹកនាំក្រុមការងារ ចុះរៀបចំ និងកែសម្រួល ស្ថានីយ៍ប្រេងឥន្ទនៈចាស់ នៅមុខសាលាខេត្ត ទៅជាសួនសាធារណៈ។
លោកអភិបាលខេត្តបានលើកឡើងថា “នេះគឺជាគំរូនៃគោលការណ៍ “ឈ្នះ-ឈ្នះ” ដោយពិតប្រាកដ (គ្មានអ្នកចាញ់! គ្មានអ្នកឈ្នះ! អ្នកឈ្នះពិតប្រាកដគឺប្រជាជន!
ការបំបែកកំណត់ត្រានេះ ជាផ្លូវដើម្បីខេត្តស្ទឹងត្រែងកាន់តែស្អាត និងមានសណ្តាប់ធ្នាប់។ យើងដោះស្រាយបញ្ហាដោយស្មោះត្រង់ ហើយផលប្រយោជន៍ចម្បងទៅលើប្រជាជន។”
ស្ទឹងត្រែងកាន់តែស្អាតគឺការរួមចំណែករបស់យើងទាំងអស់គ្នា! ៕
ដោយ ៖ សិលា
