សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់ ៖ គម្រោងស្ថាបនាផ្លូវជាតិលេខ១០ តភ្ជាប់ពីសំឡូត-វាលវែង-កោះកុង សម្រេចបានលទ្ធផលជារួម ៩៨,១៦ភាគរយហើយ ។ នេះជាការបញ្ជាក់ពីលោក ខូយ រីដា អភិបាលខេត្តពោធិ៍សាត់ នៅព្រឹកថ្ងៃទី៣០ ខែមីនា ឆ្នាំ២០២៥ ។
លោកអភិបាលខេត្តពោធិ៍សាត់ថា ៖ ខណៈដែលស្ពានខ្ពស់ជាងគេនៅកម្ពុជា សណ្តូកខ្លួនកាត់ស្ទឹងឬស្សីជ្រុំ ស្ថិតនៅភូមិឆាយលូក ឃុំអូរសោម ស្រុកវាលវែង ខេត្តពោធិ៍សាត់(គម្រោងផ្លូវជាតិលេខ១០) នឹងបើកឱ្យប្រជាពលរដ្ឋឆ្លងកាត់បណ្ដោះអាសន្នរយៈពេល៧ថ្ងៃ ចាប់ពីថ្ងៃទី១១-១៧ ខែមេសា ឆ្នាំ២០២៥ (នៅមុន និងអំឡុងបុណ្យចូលឆ្នាំថ្មី ប្រពែណីជាខ្មែរ)។
ដូច្នេះសូមបងប្អូនមកកម្សាន្តចាប់ពីថ្ងៃទី១១-១៧ ខែមេសា ឆ្នាំ២០២៥ (នៅមុន និងអំឡុងបុណ្យចូលឆ្នាំថ្មី ប្រពែណីជាខ្មែរ) ពិតជាទទួលបានការរំភើបចិត្ត រីករាយជាមួយតំបន់ទេសចរណ៍ធម្មជាតិ ដ៏ស្រស់ខៀវស្រង៉ាត់នេះ ៕
ដោយ ៖ សិលា
