លោក Wang Yi ថ្លែងអំពីការរួមចំណែករបស់ប្រទេសចិននិងរុស្ស៊ីក្នុងជ័យជម្នះ ក្នុងសង្គ្រាមប្រឆាំងហ្វាស៊ីសពិភពលោក

អន្តរជាតិ ៖ នារសៀលថ្ងៃទី២ ខែមេសា ឆ្នាំ២០២៥ គេហទំព័រ «CCFR China state-controlled media » បានផ្សាយឱ្យដឹងថា ៖ ថ្ងៃទី១ខែមេសាឆ្នាំ២០២៥ តាមម៉ោងក្នុងតំបន់ លោក Wang Yi សមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិននិងជារដ្ឋមន្ត្រីការបរទេសចិនបានផ្តល់បទសម្ភាសន៍ជាមួយអ្នកសារព័ត៌មាននៃ Russia Today ក្នុងអំឡុងពេលដែលលោកកំពុងបំពេញទស្សនកិច្ចជាផ្លូវការនៅប្រទេសរុស្ស៊ីតាមការអញ្ជើញ។

គេហទំព័រ «CCFR China state-controlled media » លោក Wang Yi បានថ្លែងថា ឆ្នាំនេះគឺគម្រប់ខួប៨០ឆ្នាំនៃថ្ងៃជ័យជម្នះរបស់ប្រជាជនចិនប្រឆាំងនឹងការឈ្លានពានរបស់ជប៉ុនព្រមទាំងជាខួប៨០ឆ្នាំនៃសង្រ្គាមការពារជាតិរបស់សហភាពសូវៀតនិងជាថ្ងៃជ័យជម្នះរបស់សង្គ្រាមប្រឆាំងហ្វាស៊ីសពិភពលោក។

គេហទំព័រ «CCFR China state-controlled media » លោកបានបន្តថា ប្រឈមមុខនឹងបម្រែបម្រួលនិម្មបនកម្មបច្ចុប្បន្នដែលមិនធ្លាប់មានក្នុងរយៈពេល១រយឆ្នាំមក យើងគួរពួតដៃគ្នាដើម្បីគាំពារសណ្តាប់ធ្នាប់អន្តរជាតិក្រោយពីសង្រ្គាម ដោយចាត់ទុកខួប៨០ឆ្នាំនៃការបង្កើតអង្គការសហប្រជាជាតិជាកាលានុវត្តភាពមួយ គាំពារកិត្យានុភាំពនិងឋានៈរបស់អង្គការសហប្រជាជាតិ អនុវត្តពហុភាគីនិយមដ៏ពិតប្រាកដ បង្កើនការសម្របសម្រួលនិងកិច្ចសហប្រតិបត្តិការយ៉ាងជិតស្និទ្ធក្នុងវេទិកាពហុភាគី ដូចជាអង្គការសហប្រតិបត្តិការសៀងហៃនិងប្រទេសBRICSជាដើម ដើម្បីបង្ហាញពីភាពខ្លាំងក្លានៃសាមគ្គីភាពនិងបង្កើនសមត្ថភាពខ្លួនរបស់ប្រទេសសកលខាងត្បូង សំដៅបោះជំហានឆ្ពោះទៅកាន់គោលដៅនៃការកសាងសហគមន៍ជោគវាសនារួមរបស់មនុស្សជាតិជាបន្តបន្ទាប់៕

ដោយ ៖ សិលា