ផ្ទះប្រជាពលរដ្ឋនៅសង្កាត់ស្វាយប៉ាកត្រូវបានអគ្គិភ័យឆាបឆេះខ្ទេចនៅវេលារំលងអធ្រាត្រ

ភ្នំពេញ ៖ ផ្ទះប្រជាពលរដ្ឋចំនួន១៦ខ្នងត្រូវបានអគ្គិភ័យឆាបឆេះអស់ទាំងស្រុង ស្របពេលដែលពលរដ្ឋតាមផ្ទះនីមួយៗ ត្រៀមរង់ចាំរៀបចំទទួលទេវតាឆ្នាំថ្មី ស្រាប់តែកើតមានអគ្គិភ័យឆេះឡើង ។

ហេតុការណ៍នេះបង្កឱ្យភ្ញាក់ផ្អើលឡើងកាលពីវម៉ោង១និង៣០នាទីរំលងអធ្រាត្រ ឈានចូលថ្ងៃទី១៤ ខែមេសា ឆ្នាំ២០២៥ នៅចំណុចផ្លូវបេតុង ក្រុម៧ ភូមិស្វាយប៉ាក  សង្កាត់ស្វាយប៉ាក ខណ្ឌឬស្សីកែវ រាជធានីភ្នំពេញ ហើយត្រូវសមតសមត្ថកិច្ចហៅរថយន្តពន្លត់អគ្គិភ័យជាច្រើនគ្រឿងចេញទៅអន្តរាគមន៍បាញ់ពន្លត់ភ្លើង។

តាមសមត្ថកិច្ចបានឱ្យដឹងថា ផ្ទះពលរដ្ឋចំនួន១៦ខ្នង ត្រូវបានអគ្គិភ័យឆាបឆេះខ្ទេចអស់ទាំងស្រុង រួមទាំងទ្រព្យសម្បត្តិផង ។

ហេតុការណ៍កើតឡើងភ្លាមៗ ត្រូវបានកម្លាំងសមត្ថកិច្ច រថយន្តពន្លត់អគ្គិភ័យចំនួន១៥គ្រឿង និងកាណូតដាក់ម៉ាសុីនបាញ់ទឹកផង សហការបាញ់ទឹកពន្លត់ភ្លើងរហូតដល់វេលាម៉ោង៣និង៣០នាទីទៀបភ្លឺទើបគ្រប់គ្រងភ្លើងបានរលត់ទៅវិញ ៕

ដោយ៖ ជ្រោយពេជ្រ