អគ្គិភ័យឆាបឆេះផ្ទះប្រជាពលរដ្ឋ យ៉ាងសន្ធោសន្ធៅអស់ចំនួន៥ខ្នងនៅខណ្ឌឫស្សីកែវ

ភ្នំពេញ៖​ ផ្ទះប្រជាពលរដ្ឋចំនួន៥ខ្នងរួមមានសម្ភារៈមួយចំនួនត្រូវបាន អគ្គិភ័យឆាបឆេះអស់ទាំងស្រុងបង្កឲ្យមានការភ្ញាក់ផ្អើលដល់ប្រជាពលរដ្ឋ ក្បែរខាងនិងសមត្ថកិច្ចហៅរថយន្តពន្លត់អគ្គិភ័យចេញជួយ អន្តរាគមន៍ភ្លាមៗ បង្កអោយមានការភ្ញាក់ផ្អើលកាលពីវេលាម៉ោង ១២និង២៥នាទីរំលង អធ្រាត្រ ឈានចូល ថ្ងៃ ទី ១៨ ខែមិថុនា ឆ្នាំ ២០២៥នៅតាម បណ្តោយផ្លូវ ១០០៣ដែលស្ថិតនៅសង្កាត់ស្វាយប៉ាកខណ្ឌឫស្សីកែវ រាជធានីភ្នំពេញ ។

តាមប្រភពព័ត៌មានពីម្ចាស់ផ្ទះបានឲ្យដឹងថា នៅមុនពេលកើតហេតុដោយពួកគាត់ខ្លះបានចូលដេកនិងខ្លះទៀតនាំគ្នាអង្គុយលេង ក្រោយមកស្រាប់តែឮស្នូសំឡេងឆេះចេញពីផ្ទះកើតហេតុខាងលើ រួចបង្កឲ្យឆេះរាលដាលទៅលើផ្ទះផ្សេងៗក្បែរគ្នាយ៉ាងសន្ធោសន្ធៅ ពេលនោះដែរពួកគាត់និងអ្នកក្បែរខាងនាំគ្នាទាញទុយោទឹកខ្លះទៀតទាញញបំពង់ពន្លត់អគ្គិភ័យបាញ់ទប់ស្កាត់ជាបណ្តោះអាសន្ន ខ្លះនាំគ្នាប្រមូលអីវ៉ាន់រួចទាក់ទងទៅសមត្ថកិច្ចមូលដ្ឋាន សង្កាត់ ស្វាយប៉ាកជាបន្ទាន់ បន្ទាប់មកសមត្ថកិច្ចមូលដ្ឋានបានទាក់ទងទៅ ខាងកម្លាំងសមត្ថកិច្ចជំនាញបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានចេញរថយន្តពន្លត់អគ្គិភ័យទៅ ជួយអន្តរាគមន៍ផងដែរ។

ក្រោយទទួលដំណឹងថាមានករណីឆេះផ្ទះពលរដ្ឋខាងលើ លោក វរសេនីយ៍ឯកព្រហ្ម យ៉ន នាយការិយាល័យ បានដឹកនាំបញ្ជាផ្ទាល់ដល់កងកម្លាំងសមត្ថកិច្ចជំនាញ ឲ្យចេញជួយអន្តរាគមន៍បាញ់ទឹកពន្លត់ឲ្យទាន់ពេល ក្រោយពីប្រតិបត្តិការបាញ់ពន្លត់ចប់ឃើញថាកម្លាំង សមត្ថកិច្ចជំនាញ បានប្រើប្រាស់រថយន្តពន្លត់អគ្គិភ័យអស់ចំនួន ៨គ្រឿង ។

ចំពោះហេតុការណ៍គ្រោះអគ្គិភ័យនេះ កម្លាំងសមត្ថកិច្ចជំនាញបាន ធ្វើការស្រាវជ្រាវបន្ត ក្នុងហេតុការណ៍នោះដែរមិនមានអ្នករបួសនិង ស្លាប់នោះទេ ពោលគឺខូចខាតតែផ្ទះនិងសម្ភារៈមួយចំនួនតែប៉ុណ្ណោះសមត្ថកិច្ចកំពុងស្រាវជ្រាវ៕

ដោយ​ ៖​ ភារ៉ា​ ដង្កោ