សារព័ត៌មាន នគរវត្ត តែងតែនាំមុខគេជានិច្ច
ប្រភពព័ត៌មានប៊ីប៊ីស៊ីបានផ្សាយថា មនុស្សយ៉ាងតិច២៥នាក់បានរងរបួសក្នុងហេតុការណ៍ផ្ទុះនាទីក្រុងញូវយ៉ក មុនពេលដែលមនុស្សរាប់ពាន់នាក់ចាប់ផ្តើមជួបជុំគ្នាដើម្បីរត់ប្រណាំង ។
រថយន្តពន្លត់អគ្គិភ័យ និងរថយន្តសង្គ្រោះបន្ទាន់ បានទៅដល់កន្លែងផ្ទុះភ្លាម បន្ទាប់ពីអ្វីដែលសាក្សីបានលើកឡើងថា ជាការផ្ទុះគ្រាប់ដែលគេបង្កប់នៅក្នុងថង់ ស្ថិតក្នុងសង្កាត់ Chelsea នៃ Manhattan អំឡុងម៉ោង២១ ម៉ោងនៅក្នុងតំបន់ ។
ក្រុមស៊ើបអង្កេត FBI និងសមត្ថកិច្ចពាក់ព័ន្ធជាច្រើនទៀតបានទៅកាន់កន្លែងកើតហេតុ ។
គេនៅមិនទាន់ដឹងច្បាស់អំពីហេតុការណ៍ផ្ទុះនេះនៅឡើយទេ ។ ករណីនេះបានកើតឡើង បន្ទាប់ពីហេតុការណ៍ផ្ទុះបំពង់បង្ហូរប្រេងក្នុងតំបន់នៅទីក្រុង New Jersey ផងដែរ ។
ហេតុការណ៍នេះក៏បានកើតឡើង មុនពេលមនុស្សរាប់ពាន់នាក់ជួបជុំគ្នាដើម្បីរត់ប្រណាំងជិតទីកន្លែងផ្ទុះនោះ ៕ ថាច់ យ៉ាត
