ក្រុមចោរឆក់យ៉ាងសកម្មក្នុងក្រុងភ្នំពេញ៥នាក់​ត្រូវនគរបាលខណ្ឌទួលគោកឃាត់ខ្លួនជាក់ស្តែង

ភ្នំពេញ៖ កម្លាំងនគរបាលព្រហ្មទណ្ឌខណ្ឌទួលគោក សហការជាមួយកម្លាំងការិយាល័យនគរបាលព្រហ្មទណ្ឌកំរិតធ្ងន់ នៃស្នងការដ្ឋាន នគរបាលរាជធានីភ្នំពេញ បានឃាត់ខ្លួនជនសង្ស័យ០៥ នាក់ដែលជាមុខសញ្ញាឆក់កាបូប;ខ្សែក;ទូរស័ព្ទដៃ ក្នុងរាជធានីភ្នំពេញ ជាកស្តែង ពីបទលួច ( ឆក់កាបូប ) ប្រព្រឹត្តកាលពីវេលាម៉ោង៩យប់ថ្ងៃទី២៤ ខែកញ្ញា ឆ្នាំ២០១៦ នៅចំណុចមុខផ្ទះលេខ១៨៦ ផ្លូវលេខ២៧១ ក្រុមទី៧ ភូមិ៣ សង្កាត់បឹងសាឡាង ខណ្ឌទួលគោក រាជធានីភ្នំពេញ ។

ជនសង្ស័យ៖

១-ឈ្មោះ កែវ សុខវិសាល ហៅ សាល ភេទប្រុស អាយុ ១៩ឆ្នាំ ជនជាតិខ្មែរ មុខរបរ ពុំពិតប្រាកដ ស្នាក់នៅ ផ្ទះពុំចាំលេខ ភូមិម័ល សង្កាត់ដង្កោ ខណ្ឌដង្កោ រាជធា នីភ្នំពេញ ។

២-ឈ្មោះ យូ ទិត្យ ហៅ ទិត្យ ភេទប្រុស អាយុ ១៨ ឆ្នាំ ជនជាតិខ្មែរ មុខរបរ ពុំពិតប្រាកដ ស្នាកមនៅផ្ទះលេខ៩៧ ផ្លូវលេខ១៩២ សង្កាត់ទឹកល្អក់ទី៣ ខណ្ឌទួល គោក រាជធានីភ្នំពេញ ។

៣-ឈ្មោះ សាត ចំរើន ហៅ ចំរើន ភេទប្រុស អាយុ ១៦ឆ្នាំ ជនជាតិខ្មែរ មុខរបរ សិស្សថ្នាក់ទី៨ អនុវិទ្យា ល័យ ស្នាក់នៅផ្ទះពុំចាំលេខ ផ្លូវលេខ១៨២ សង្កាត់ទឹក ល្អក់ទី៣ ខណ្ឌទួលគោក រាជធានីភ្នំពេញ ។

៤-ឈ្មោះ ជា ចិន្តា ហៅ ដា ភេទប្រុស អាយុ ១៧ឆ្នាំ ជនជាតិខ្មែរ មុខរបរ ពុំពិតប្រាកដ ស្នាក់នៅផ្ទះលេខ ៥៧ ផ្លូវលេខ២០៤ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ ។

៥-ឈ្មោះ ប៊ុនសុខ បុព្វសិទ្ធ ហៅ សិទ្ធ ភេទប្រុស អាយុ ១៧ឆ្នាំ ជនជាតិខ្មែរ មុខរបរ ពុំពិតប្រាកដ ស្នាក់ នៅផ្ទះពុំចាំលេខ សង្កាត់បឹងកេងកងទី៣ ខណ្ឌចំការ មន រាជធានីភ្នំពេញ ។

ជនរងគ្រោះឈ្មោះ ខៀវ សំបូរ ភេទស្រី អាយុ ២៣ ឆ្នាំ ជនជាតិខ្មែរ មុខរបរ បុគ្គលិកក្រុមហ៊ុនស្រាបៀរហ្រ្គី ណេស ស្នាក់នៅផ្ទះជួល ផ្លូវលេខ៤៦៤ សង្កាត់ទួល ទំពូង២ ខណ្ឌទួលគោក រាជធានីភ្នំពេញ ។

វត្ថុតាងដែលសមត្ថកិច្ចបានចាប់យក ៖

កាបួបស្ពាយពណ៌ខ្មៅមួយដាច់ខ្សែ ដែលនៅក្នុងកាបូបមានលិខិតឆ្កងដែន ០១ក្បាល , អត្តសញ្ញាណ ប័ណ្ណ ០១សន្លឹក , ប័ណ្ណសំគាល់ម៉ូតូ ០១សន្លឹក ,កាត អេធីអឹុម ០២សន្លឹករបស់ធនាគារ អេសីុលីដា និង Anz Royal ( បានប្រគល់ឱ្យជនរងគ្រោះវិញ ) ។

ម៉ូតូ០២គ្រឿងម៉ាក Honda C125 ពណ៌ខ្មៅ ស៊េរី 2016 ពាក់ស្លាកលេខភ្នំពេញ 1FQ-8897 មានលេខ តួ និងលេខម៉ាសីុន 9530541 និងម៉ាក Honda Click ពណ៌សលាយក្រហម ពាក់ស្លាកលេខកំពង់ចាម 1F-2421 មានលេខតួ និងលេខម៉ាសីុន 0137015 (ជាម៉ូតូដែលជនសង្ស័យជិះធ្វើសកម្មភាព ) ។

សម្ភារបាត់បង់ ទូរស័ព្ទមួយគ្រឿងម៉ាក I phone 6 plus ពណ៌មាស មានសុីមលេខ 098 838 151 និងប្រាក់ដុល្លា 70$ និងប្រាក់បាតថៃ 1500បាត ។

តាមប្រភពព័ត៌មានពីមន្រ្តីនគរបាលព្រហ្មទណ្ឌខណ្ឌទួលគោក បានឲ្យដឹងថា នៅមុនពេលកើតហេតុ ជនរង គ្រោះបានជិះម៉ូតូម៉ាក Honda click ពណ៌សលាយខ្មៅ ពាក់ស្លាកលេខបាត់ដំបង 1U-3176 តែម្នាក់ឯង ដោយមានស្ពាយកាបូបចំហៀងខាងស្តាំ ពេលមកដល់ ចំណុចកើតហេតុ ស្រាប់តែមានជនសង្ស័យ០២នាក់ ជិះម៉ូតូម៉ាក Honda click ពណ៌សលាយក្រហម បាន មកអែបខាងស្តាំ រួចធ្វើសកម្មភាពឆក់កាបូបជនរងគ្រោះ បណ្តាលឱ្យដាច់ខ្សែកាបូបបានសម្រេច ហើយគេច មកក្នុងសាលាបឋមទឹកល្អក់ សង្កាត់ទឹកល្អក់ទី៣ ខណ្ឌ ទួលគោក ក៏ត្រូវសមត្ថកិច្ចយើងឃាត់ខ្លួនបានតែម្តង ។

បច្ចុប្បន្នជនសង្ស័យទាំង ០៥នាក់ កំពុងឃាត់ខ្លួន នៅអធិការដ្ឋាននគរបាលខណ្ឌទួលគោក ដើម្បីសាកសួរ និងកសាងសំណុំរឿងបញ្ជូនទៅតុលាការ ចាត់ការ តាមផ្លូវច្បាប់  ៕ ស ដារ៉ា