រកឃើញ៤ក្រុមចុងក្រោយឡើងលេងវគ្គពាក់កណ្តាលផ្តាច់ព្រ័ត្រនៅសប្តាហ៍នេះ

ភ្នំពេញ៖ រកឃើញក្រុមបាល់បោះចំនួន៤ក្រុម សម្រាប់ឡើងទៅលេងវគ្គពាក់ណ្តាលផ្តាច់ព្រ័ត្រ ហើយការប្រកួតលីកកំពូលកម្ពុជា ដែលក្រោយពីបញ្ចប់វគ្គ Play off នាល្ងាចថ្ងៃសៅរ៍ -អាទិត្យទី២៤-២៥ ខែកញ្ញា ឆ្នាំ២០១៦នៅក្នុងវិមានពហុកីឡដ្ឋានជាតិអូឡាំពិក ។

ក្រុមទាំង៤ ដែលបានឡើងទៅលេងក្នុងវគ្គពាក់កណ្តាលផ្តាច់ព្រ័ត្រ នៅសប្តាហ៍ក្រោយនេះ មានដូចជាក្រុម Extra Joss Fighters ក្រោយពីប្រកួតឈ្នះ ក្រុមបាល់បោះ Team Respeck ជើងទី១លទ្ធផល៨២ទល់៤១ រីឯជើងទី២ Extra Joss Fightersប្រកួតឈ្នះ Team Respeck ក្នុងលទ្ធផល៩៤ទល់៦៦ ។ ក្រុមALLNលេងឈ្នះក្រុម Smart Dragon នៅជើងទី១ លទ្ធផល១ទល់៣៣ និងជើងទី២ ក្រុមបាល់បោះALLN បានយកឈ្នះក្រុមបាល់បោះSmart Dragonក្នុងលទ្ធផលពិន្ទុ ៨០ទល់២៨។ក្រុមបាល់បោះ Bayon Air Line បានយកឈ្នះលើក្រុម Davis Piants ជើងទី១លទ្ធផលពិន្ទុ៨៥ទល់៧០ និងជើងទី២ Bayon Air Line បន្តឈ្នះលើក្រុម Davis Piants ក្នុងលទ្ធផលពិន្ទុ៦៥ទល់៥៣ ។

ក្រុម MSGM Beast ប្រកួតយកឈ្នះ Blue Thunther ជើងទី១ក្នុងលទ្ធផលពិន្ទុ៨១ទល់៧២ និងជើងទី២ MSGM Beast ឈ្នះ ក្រុមBlue Thuntherក្នុងលទ្ធផលពិន្ទុ៦៤ទល់៥៩ ។ រីឯក្រុមដែលត្រូវចាកចេញនោះមាន ក្រុមTeam Respeck,Davis Piants,Blue Thunther,Smart Dragon ៕ សារីម