សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅតាមបណ្តោយផ្លូវវេងស្រេង សង្កាត់ចោមចៅ ខណ្ឌពោធិ៍សែនជ័យ នៅចំណុចមុខក្រុមហ៊ុនម៉ូតូហុងដា គេសង្កេតឃើញថា មានរថយន្តកុងតឺន័រជាច្រើនគ្រឿង បានមកឈប់ចតលើដងផ្លូវសាធារណៈ សងខាងផ្លូវ មិនថាពេលថ្ងៃ ឬយប់បង្កការងាយស្រួលកកស្ទុះចរាចរណ៍ និងគ្រោះថ្នាក់ជាយថាហេតុ តែមិនដែលឃើញអាជ្ញារធរ ឬសមត្ថកិច្ចដែលពាក់ព័ន្ធមានវិធានការយ៉ាងណានោះទេ ។
ប្រជាពលរដ្ឋដែលរស់នៅក្បែរ ក៏ដូចជាអ្នកធ្វើដំណើរឆ្លងកាត់បានរិះគន់ទៅសមត្ថកិច្ច ដែលពាក់ព័ន្ធបណ្តោយឲ្យក្រុមរថយន្តទាំងនោះ មកដាក់ចតនៅលើកំណាត់ផ្លូវនោះ ។
រថយន្តកុងតឺន័រទាំងនោះ គឺជាប្រភេទរថយន្តសណ្តោងកន្ទុយដឹកទូធំ ឈប់ចតយ៉ាងអាណាធិបតេយ្យតាមដងផ្លូវវេងស្រេង ដោយមិនបានដាក់សញ្ញាសំគាល់នោះទេ មិនថា តែពេលថ្ងៃ នោះទេ ដោយឡែកពេលយប់វិញ ក្រុមរថយន្តទាំងនោះចតមិនប្រើភ្លើងទេ បង្កអោយមានគ្រោះថ្នាក់នៅចំណុចនោះជាញឹកញាប់ផងដែរ ។
ដូចនេះ ប្រជាពលរដ្ឋបានសំណូមពរដល់អាជ្ញាធរ ឬសមត្ថកិច្ចដែលពាក់ព័ន្ទ មេត្តាចាត់វិធានការ ចំពោះក្រុមរថយន្តទាំងនោះផង៕ សុខាសែនជ័យ
