ចុមចៃដន្យម្ល៉េះនៅថៃ! ព្រឹកម្សិលម៉ិញដួលរលំដងស្ទួចលើរថភ្លើងបណ្តាលឱ្យមនុស្ស៣២នាក់ស្លាប់ ហើយព្រឹកនេះបាក់រលំដងស្ទួចមួយករណីទៀតបណ្តាលឱ្យមនុស្ស២នាក់ស្លាប់ និងរបួសជាច្រើនទៀត!

ថៃ:ពិតជាមានរឿងចៃដន្យខ្លាំងណាស់ រយៈពេលពីរថ្ងៃនេះ នៅប្រទេសថៃបានបាក់រលំដងស្ទួចចំនួនពីរករណី ដោយករណីទី១ នៅព្រឹកថ្ងៃទី១៤ ខែមករានេះ បាក់ដងស្ទួចសង្កត់លើរថយន្តភ្លើងដឹកអ្នកដំណើរឆ្លងកាត់រនៅក្នុងស្រុក Sikhio ខេត្ត Nakhon Ratchasima ប្រទេសថៃ បណ្តាលឱ្យមនុស្សចំនួន៣២នាក់ស្លាប់ និងរងរបួសរាប់សិបនាក់ថែមទៀត។ហើយនៅព្រឹកថ្ងៃទី១៥ ខែមករានេះដែរ មានករណីបាក់ដងស្ទួចមួយករណីទៀតនៅក្នុង ខេត្ត សាមុត សាខន ប្រទេសថៃដែរ ព័ត៌មានបឋមបានរាយការណ៍ថា បណ្តាលឱ្យមនុស្សចំនួន ២ នាក់ស្លាប់ និងរបួសជាច្រើននាក់ទៀត។

អាជ្ញាធរខេត្តសាមុតសាខន បាន ឱ្យដឹង នៅ ព្រឹក ថ្ងៃ ព្រហស្បតិ៍ ថ្ងៃទី១៥ ខែមករា ឆ្នាំ២០២៦នេះ ថា ដង ស្ទូច សំណង់ មួយគ្រឿង បាន បាក់ នៅ ផ្លូវ រ៉ា ម៉ា ទី ២ ក្នុង ខេត្ត សាមុត សាខន បណ្តាល ឲ្យ មនុស្ស ២នាក់ ស្លាប់ និង ជាច្រើន នាក់ ទៀត រងរបួស ។ យោងតាមសេចក្តីរាយការណ៍បឋមបានឲ្យដឹងថា ហេតុការណ៍នេះបានកើតឡើងនៅវេលាម៉ោង ០៩ និង ១៥ នាទីព្រឹកនេះ នៅលើកំណាត់ផ្លូវ រ៉ាម៉ាទី ២ ត្រង់ចំណុចមុខស្ពានឆ្លងទន្លេថាជីន។ សេវាសង្គ្រោះបន្ទាន់ត្រូវបានបញ្ជូនទៅកាន់កន្លែងកើតហេតុ ដែលមន្ត្រីបានចាប់ផ្តើមធានាតំបន់ និងវាយតម្លៃការខូចខាត។

ហើយមូលហេតុនៃការដួលរលំនេះ គេនៅមិនទាន់ដឹងភ្លាមៗនៅឡើយទេ។ អាជ្ញាធរ បាន និយាយ ថា មនុស្ស ពីរ នាក់ ត្រូវ បាន គេ បញ្ជាក់ ថា បាន ស្លាប់ ខណៈ ជាច្រើន នាក់ ទៀត បាន រង របួស។ ព័ត៌មានលម្អិតបន្ថែមកំពុងត្រូវបានស៊ើបអង្កេត ហើយមន្ត្រីបាននិយាយថា ការធ្វើបច្ចុប្បន្នភាពនឹងត្រូវបានផ្តល់ជូន នៅពេលដែលមានព័ត៌មានបន្ថែម៕ជ្រោយពេជ្រ