សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ÷នៅថ្ងៃទី២៤ ខែមេសា ឆ្នាំ២០២៦ ឈ្មោះ រិន បញ្ញា ភេទប្រុស អាយុ២៧ឆ្នាំ ជនជាតិខ្មែរ បានមកដាក់ពាក្យបណ្ដឹង នៅការិយាល័យព្រហ្មទណ្ឌកម្រិតស្រាល នៅថ្ងៃខែឆ្នាំដដែលត្រង់ចំណុចភូមិថ្មគោល សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ កម្លាំងជំនាញការិយាល័យព្រហ្មទណ្ឌកម្រិតស្រាល បានស៊ើបអង្កេតស្រាជ្រាវ និងឃាត់ខ្លួនជន សង្ស័យចំនួន១នាក់ ឈ្មោះ អួច បញ្ញា អាយុ១៧ឆ្នាំ ជនជាតិខ្មែរ ស្នាក់នៅភូមិថ្មគោល២ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
ប្រតិបត្តិការនេះធ្វើឡើងដោយអនុវត្តតាមបទបញ្ជារបស់លោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ និងដឹកនាំដោយលោកឧត្តមសេនីយ៍ទោ អ៊ុក ហេង ឧត្តមសេនីយ៍ត្រី វុទ្ធី វង្សវិបុល អនុប្រធាននាយកដ្ឋាន និងលោកវរសេនីយ៍ឯក ឡេង ប៊ុនហួរ នាយការិយាល័យព្រហ្មទណ្ឌកម្រិតស្រាល ដែលកម្លាំងជំនាញដឹកនាំលោកវរសេនីយ៍ត្រី ណុប មុនី នាយរងការិយាល័យ។
ចម្លេីយសារភាពជនសង្ស័យ ឈ្មោះ អួច បញ្ញា បានឆ្លើយថា ខ្លួនពិតជាបានធ្វេីសកម្មភាពលួចទូរស័ព្ទដៃ ក្នុងហាងកាត់សក់ យីហោឡុងសុង ប្រាកដមែន។ បច្ចុប្បន្នជនសង្ស័យ និងសំណុំរឿងបានបញ្ជូនទៅអយ្យការអមសាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធី៕
