សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យៈគំនុំលេងបាល់ជាមួយគ្នាមួយថ្ងៃក្រោយជនបង្ករ កាប់ជនរងគ្រោះបណ្ដាលឲ្យរងរបួសធ្ងន់កើតឡើងនៅវេលាម៉ោង ២០នឹង២០ នាទីថ្ងៃទី០៩ ខែឧសភា ឆ្នាំ២០២៦ ក្នុងភូមិតាអំ ឃុំប្រាសាទ ស្រុកព្រះនេត្រព្រះ ។
.លោកវរសេនីយ៍ទោ ទេព រដ្ឋា អធិការនគរបាលស្រុកព្រះនេតព្រះ បានឲ្យដឹងថាជនសង្ស័យឈ្មោះញ៉ា ចយ ភេទប្រុស អាយុ ២០ឆ្នាំជនជាតិខ្មែរ រស់នៅភូមិតាអំ ឃុំប្រាសាទ ស្រុកព្រះនេតព្រះ ខេត្ត បានធ្វើសកម្មភាពយកកាំបិតតាំងតោដងដែកកាប់ទៅលើជនរងគ្រោះឈ្មោះថូវ មិញ ភេទប្រុស អាយុ២១ឆ្នាំជនជាតិខ្មែរ រស់នៅភូមិជាមួយគ្នា ។
លោកអធិការបន្តថា មុនពេលកើតហេតុជនរងគ្រោះបានដេីរទៅលាងដៃនិងទឹកពាង នៅផ្ទះរបស់ឈ្មោះសារី ចាន់ធី ភេទប្រុស អាយុ៦៨ឆ្នាំ នៅភូមិជាមួយ ពេលនោះជនល្មើសបានកាប់ជនរងគ្រោះត្រូវចំនួន១កាំបិត បណ្តាលឲ្យរងរបួសត្រង់ពោះក្រោយធ្វើសកម្មភាពរួចជនសង្ស័យឈ្មោះញ៉ា ចយ បានរត់គេចខ្លួនបាត់ ដោយបន្សល់ទុកកាំបិតនៅនឹងកន្លែងកើតហេតុ។ ចំណែកជនរងគ្រោះត្រូវបានបញ្ជូនទៅមន្ទីរពេទ្យខេត្តសៀមរាប ។
លោកវរៈសេនីយ៍ទោ ទេព រដ្ឋា បានបញ្ជាក់បន្ថែមថាមូលហេតុឈានដល់អំពើហិង្សានេះដោយសារកាលពីថ្ងៃទី០៨ខែមេសា ឆ្នាំ២០២៦ ជនរងគ្រោះនិងជនល្មើសបានឈ្លោះប្រកែកគ្នាពេលលេងបាល់ បច្ចុប្បន្នជនសង្ស័យសមត្ថកិច្ចនគរបាលកំពុងស្រាវជ្រាវដើម្បីឃាត់ខ្លួនយកមកកសាងសំណុំរឿងអនុវត្តតាមនីតិវិធី ៕វណ្ណា
