សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖យោងតាមប្រភពពីបងប្រុសបង្កើតបុរសម្ចាស់ម៉ូតូដែលបាត់ខ្លួននៅតំបន់គិរីរម្យ មាន ឈ្មោះ រុំ បានប្រាប់ថា ល្ងាចថ្ងៃទី២២ ខែមិថុនា ឆ្នាំ២០២៦ រូប លោក និងកម្លាំងចំរុះកំពុងបន្តស្វែងប្អូនប្រុសឈ្មោះ សុខហេង ដែលបានបាត់ខ្លួនរយះពេល៤ថ្ងៃកន្លងមកនេះ ។ លោកក៏បានបញ្ជាក់ដែរថា តាមមរយះវីដេអូបណ្តាំក្នុងទូរស័ព្ទដៃគឺប្អូនប្រុស សុខហេង មិនបាននិយាយអ្វីក្រៅតែគាត់មានជំងឺប្រចាំកាយ ហើយជំងឺនោះទៀតសោតក៏មិនដឹងថា ជាជំងឺអីឲ្យប្រាកដដែរ ។ ដោយឡែកវីដេអូពេញគេមិនទាន់បានស្តាប់ទាំងអស់
ទេដោយទូរស័ព្ទបានអស់ថ្ម និងជាប់លេខកូដ ដែលបច្ចុប្បន្នទូរស័ព្ទកំពុងរក្សាទុកនគរបាលជំនាញនៅ ឡើយ ។
ក្នុងជំហានតាមស្វែងរកសមត្ថកិច្ចចំរុះ បានប្រទះឃើញទីតាំងបោះតង់ និងស្បែងជើងរបស់បុរសខាងលើ នៅចំណុះថ្មលយ ក្នុងឧទ្យាជាតិគីរីរម្យ ដែលជាតំបន់ទឹក ធ្លាក់ដែលមានកម្ពស់ប្រម៉ាណជិត២០០ម៉ែត្រ ។
ការប្រទះឃេីញម៉ូតូមួយគ្រឿង និងលិខិតបណ្តាំនោះទុកចោលនេះ តាំងពីថ្ងៃទី១៩ ខែមិថុនា ឆ្នាំ២០២៦ មក រហូតមកដល់ពេលនេះសមត្ថកិច្ចមិនបានរកយុវជនឃើញនៅឡើយទេ ។
សូមរំលឹកថា ការប្រទះឃើញម៉ូតូក្នុងចន្លោះម៉ោង៣ និង ៣០នាទីរសៀល ក្នុងនោះមានម៉ូតូ១គ្រឿងម៉ាក ADV ពាក់ផ្លាកលេខ ភ្នំពេញ 1LE-9373 នឹងមួកសុវត្ថិភាពនៅជាប់កញ្ចក់ គ្មានម្ចាស់ ស្ថិតនៅចំណុចផ្លូវលំបំបែកជាបីទៅក្រុមហ៊ុនវីរៈប៊ុនថាំ រមណីយដ្ឋានទេសចរណ៍ ស្ថិតក្នុងភូមិថ្មី ឃុំចំបក់ ស្រុកភ្នំស្រួច ខេត្តកំពង់ស្ពឺ ។
ក្រោយប្រទះឃើញ សមត្ថកិច្ខបានឆែកក្នុងម៉ូតូ កម្លាំងសមត្ថកិច្ច បានរកឃេីញមានសម្ភារៈជាប់ម៉ូតូ នៅក្រោមកែបម៉ូតូមាន កាបូបស្ពាយពណ៌ខ្មៅ១ និងកាបូបយួរពណ៌ក្រហម១ កូនកាបូបដាក់លុយពណ៌ខ្មៅ១ ,ស្បែកជើងប៊ូពណ៌ខ្មៅ ,១គូម៉ាកLV ខ្សែក្រវ៉ាត់ពណ៌ខ្មៅ១, ទូរស័ព្ទ១គ្រឿង ម៉ាកIPhone ពណ៌ស ,អត្តសញ្ញាណប័ណ្ណសញ្ជាតិខ្មែរមួយសន្លឹក ឈ្មោះ គន់ សុខហេង ភេទប្រុស កើតថ្ងៃទី ១ ខែ៦ ឆ្នាំ១៩៩៦ មានទីលំនៅបច្ចុប្បន្ន ភូមិជាលា ឃុំជាលា ស្រុកបាធាយ ខេត្តកំពង់ចាម ។ មានសំបុត្រ១សន្លឹក ដែលសរសេររៀបរាប់ ដែលមានន័យថា “ បើអ្នកបានឃើញសំបុត្រនេះមានន័យថា ខ្ញុំបានស្លាប់ហើយ សូមបងជួយយកម៉ូតូនេះឲ្យបងប្អូនខ្ញុំផង។ សោខ្ញុំទុកនិងម៉ូតូហើយ ខ្ញុំសូមអរគុណបង សូមជួយតេរកបងប្អូនខ្ញុំផង បងរុំ 0886552007 ប្អូនរឹត 081836536 សុំទោសដែលធ្វើឲ្យបងពិបាក មានវីដេអូក្នុងទូរស័ព្ទដែលជាការសម្រេចចិត្តចុងក្រោយបែបនេះ ម៉ូតូហ្នឹងមាន GPS គេអាចរកឃើញ ពីខ្ញុំ សុខហេង រួមមានសម្ភារៈខោអាវមួយចំនួនទៀត។
ភ្នាក់ងារសាព័ត៌មានបានទាក់ទងទៅកាន់សាច់ញាតិលោក រឹត ដែលត្រូវជាប្អូនម្ចាស់ម៉ូតូ ដោយបានលើក ឡើងថា គាត់និងម្ចាស់ម៉ូតូមិនបានរស់ជាមួយគ្នាទេ ពោលគឺគាត់រស់ផ្សេង ចំណែកបងប្រុសម្ចាស់ម៉ូតូគាត់នៅលីវ ដូច្នេះរឿងបងគាត់មានទុក្ខលំបាកអីគាត់មិន បានដឹងឡើយ ។
យោងតាមប្រភពក្រៅផ្លូវការបានបង្ហើបថា ករណីនេះអាចទំនងជាបុរសខាងលើឈានទៅធ្វើអត្តឃាតដោយលោតទឹកតំបន់ថ្មលយ នេះគ្រាន់តែជាសន្និដ្ឋានក្រៅ ផ្លូវការតែប៉ុណ្ណោះ ។ តែបើសិនជាករណីពិតដូចការសន្និដ្ឋានមែនសូម្បីតែសាកសពក៏មិនអាចស្វែងរកឃើញដែរ ពីព្រោះទំហំទឹកធំនិងខ្ពស់ខ្លាំងណាស់ ។
មន្ត្រីបរិស្ថាន និងសមត្ថកិច្ចចំរុះ នៅតែបន្ដស្វែងរកម្ចាស់សំបុត្រ ដោយទាន់អស់សង្ឃឹមនៅឡើយរយះ៤ថ្ងៃកន្លងមកនេះ ៕
