🔴Breaking News៖ គួរឱ្យរន្ធត់ណាស់! ករណីជនល្មើសមានគ្រាប់បែក ដាក់សមត្ថកិច្ចក្នុងប្រតិបត្តិការបង្ក្រាបគ្រឿងញៀននៅស្រុកវាលវែង អ្នកស្លាប់កើនដល់ ៥នាក់ហើយ

ខេត្តពោធិ៍សាត់៖ បឋមយោងតាមសេចក្ដីរាយការណ៍របស់ប្រជាពលរដ្ឋរស់នៅឃុំអូសោម ស្រុកវាលវែង ខេត្តពោធិ៍សាត់ បានអះអាងថា មានករណីជនល្មើសមានគ្រាប់បែកបានបោកបំផ្ទុះគ្រាប់ ដាក់សមត្ថកិច្ចក្នុងប្រតិបត្តិការ ចុះបង្ក្រាបគ្រឿងញៀននៅស្រុកវាលវែង បណ្ដាលឱ្យអ្នកស្លាប់កើនដល់ ៥នាក់ហើយ ខណៈដែលមនុស្សចំនួន ៤នាក់បានស្លាប់នៅនឹងកន្លែងកើតហេតុ និងម្នាក់ទៀតស្លាប់ ពេលបញ្ជូនទៅកាន់មន្ទីពេទ្យដេីម្បីសង្រ្គោះ តែអកុសលបានដាច់ខ្យល់ស្លាប់ផងដែរ។

សូមជម្រាបថា ករណីខាងលេីនេះបានកេីតឡេីងកាលពីវេលាម៉ោងជាង ៥ល្ងាចថ្ងៃទី០៥ ខែសីហា ឆ្នាំ២០២៦នេះ ខណៈដែលកម្លាំងសមត្ថកិច្ច ចុះបង្ក្រាបករណីគឿងញៀន នៅឃុំអូសោម ស្រុកវាលវែង ខេត្តពោធិ៍សាត់។

ជុំវិញករណីនេះដែរ ភ្នាក់ងារកាសែតនគរវត្ត និងគេហទំព័រនគរដ្រេហ្គនប្រចាំខេត្តពោធិ៍សាត់ បានសុំការសម្ភាសន៍តាមទូរស័ព្ទ ទៅលោក ជា បារីស អធិការនគរបាលស្រុកវាលវែង បានឱ្យដឹងថា ពិតជាមានករណីផ្ទុះគ្រាប់បែកមែន ហើយគាត់កំពុងជាប់រវល់ក្នុងប្រតិបត្តិការខាងលើនេះដែរ ចឹងសុំអភ័យទោសផង។

ដោយឡែកជុំវិញករណីនេះដែរ យោងតាមសាក្សីកន្លែងកើតហេតុ បានឱ្យដឹងដែរថា ក្នុងរង្វង់ប្រតិបត្តិការនេះ គេឃើញជនរងគ្រោះ គឺជាកងកម្លាំងសមត្ថកិច្ច បានស្លាប់ និងរបួសផងដែរ៕

ដោយ៖ ប៉ិន ពិន

សូមរង់ចាំព័ត៌មានលម្អិតតាមក្រោយ៖