សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសជនពិការម្នាក់ខណៈកំពុងជិះលេីរទេះត្រូវបានម៉ូតូមួយគ្រឿងជិះមកបុកបណ្តាលឲ្យរងរបួសត្រូវបានកងសង្គ្រោះបន្ទាន់៧១១កងពលតូចលេខ៧០បញ្ជូនទៅមន្ទីរពេទ្យភ្លាមៗ។
ហេតុ ការណ៍នេះបានកេីតឡេីងនៅវេលាម៉ោង០៨និង៤០នាទីព្រឹក ថ្ងៃទី០៨ ខែកញ្ញា ឆ្នាំ២០២៦ នៅតាមផ្លូវជាតិលេខ៣ ភូមិស្រែញ សង្កាត់ប្រទះឡាង ខណ្ឌកំបូល រាជធានីភ្នំពេញ ។
ជនរងគ្រោះមានឈ្មោះ ញឹម សំណាង ភេទប្រុស អាយុ៦០ឆ្នាំ រងរបួសត្រង់ត្រគៀក មានអាសយដ្ឋាននៅ ភូមិភ្លើងឆេះរទេះលិច សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។
តាមប្រភពព័ត៌មានបានឲ្យដឹងថាមុនពេលកេីតហេតុបុរសជនពិការបានជិះលេីរទេះលេីចិញ្ចេីមផ្លូវជាតិលេខ៣ ដោយប្រេីដៃបង្វឹលកង់លុះមកដល់ចំណុចកេីតហេតុស្រាប់តែមានម៉ូតូមួយគ្រឿងបេីកបរមកពីក្រោយលឿនមិនប្រយ័ត្នជ្រុលបុកបណ្តាលឲ្យដួលរងរបួស។
ក្រោយកេីតហេតុជនរងគ្រោះត្រូវបានក្រុមសង្គ្រោះរបស់អង្គភាព៧១១ កងពលតូចលេខ៧០ ដឹកបញ្ជូនទៅមន្ទីពេទ្យតេជោសន្តិភាព៕ដោយ៖សុខាសែនជ័យ
