សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ស្រវឹងស្រា បានបើករថយន្តឡិចសីុសក្នុងល្បឿនលឿនបានរេចង្កូតជ្រុលទៅបុករបាំងថ្មពុះចែកទ្រូងផ្លូវ បណ្ដាលឲ្យខូចខាតអស់១កង់ ឯរថយន្តបង្កដាច់កាឡែកង់មុខទៅមុខលេងរួច ។ ហេតុការណ៍នេះ បានកើតឡើង នៅវេលាម៉ោង១០និង២០នាទីយប់ ថ្ងៃទី១៨ ខែវិច្ឆិកា ឆ្នាំ២០១៦ នៅចំណុចតាមបណ្ដោយផ្លូវ២៧១ ខាងត្បួងមន្ទីពេទ្យលោកសង្ឍ ប្រហែល១០០ម៉ែត្រ ស្ថិតក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
យោងតាមប្រភពព័ត៌មានពីប្រជាពលរដ្ឋដែលនៅក្បែរកន្លែងកើតហេតុបានឲ្យដឹងថា ដំបូងគេសង្កែតឃើញ រថយន្តបង្កហេតុខាងលើម៉ាកឡិចសីុស RX330 ពណ៌ស្ក ពាក់ស្លាកលេខ ភ្នំពេញ 2X.7911 ដែលបើកបរដោយបុរសម្នាក់ស្រវឹងស្រា ធ្វើដំណើរតាមបណ្ដោយផ្លូវ២៧១ ទិសដៅពីជើងទៅត្បួងក្នុងល្បឿនលឿន ខណៈមកដល់ចំណុចកើតហេតុខាងលើ ក៏ស្រាប់តែរេចង្កូតជ្រុលទៅបុករបាំងថ្មពុះចែកទ្រូងផ្លូវ បណ្ដាលឲ្យខូចខាតអស់១កង់ ចំណែកឯរថយន្តបង្កវិញ បានដាច់ការឡែកង់មុខផ្នែងខាងឆ្វេងយ៉ាងដំណំមិនអាចបន្តទៅមុខរួច។
ក្រោយពេលកើតហេតុ នៅក្នុងករណីគ្រោះថ្នាក់ចរាចរណ៍ខាងលើនោះ គឺមិនមានអ្នកគ្រោះថ្នាក់ដល់អាយុជីវិតនណារម្នាក់នោះឡើយហើយភ្លាមៗម្ចាស់រថយន្តបង្កបានចុះពីលើរថយន្តឡើងជិះម៉ូតូឌុបគេចខ្លួនបាត់ស្រមោលពីកន្លែងកើតហេតុតែម្ដង ។ បន្ទាប់មកសមត្ថកិច្ចមូលដ្ឋានបានចុះមកដល់កន្លែងកើតហេតុ និងទំនាក់ទំនងទៅជំនាញ ឲ្យមកធ្វើការវាស់វែងយករថយន្តបង្កខាងលើទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញ រង់ចាំម្ចាស់ចូលខ្លួនដោះស្រាយតាមនីតិវិធីច្បាប់ ៕ ជីម ភារ៉ា ដង្កោ
