សារព័ត៌មាន នគរវត្ត តែងតែនាំមុខគេជានិច្ច
យ៉ាងហោចណាសក៏មានមនុស្ស ៨នាក់រងរបួស និងជនដៃដល់ម្នាក់ស្លាប់នៅក្នុងហេតុការណ៍ផ្ទុះអាវុធ នៅមហាវិទ្យាល័យ Ohio អាមេរិក។
ហេតុការណ៍ខាងលើកើតឡើងនៅវេលាម៉ោង ១០ព្រឹក ថ្ងៃទី២៨ ខែវិច្ឆិកា ។ ក្រុមសន្តិសុខនៅសាលាបានស្នើដល់និស្សិតទាំងអស់រកកន្លែងលាក់ខ្លួនដោយសុវត្ថិភាព។ រយៈពេល២ម៉ោងក្រោយមក ស្ថានភាពស្ថិតនៅក្រោមការគ្រប់គ្រងទាំងស្រុង ហើយច្បាប់អាសន្ននៅក្នុងសាលាត្រូវលុបចោលផងដែរ។
សាក្សីនៅកន្លែងកើតហេតុ លោក Kendrick Price បានឲ្យដឹងថា លោកបានរត់ទៅក្បែរទ្វារជាន់ទី២ ក្រោយឮសូរសម្លេងស្រែក ។ លោកបានឃើញមនុស្សជាច្រើន រត់ទៅរកប៉ូលិស ហើយក្រោយមក ក៏រងការបាញ់ប្រហារតែម្តង។ ក្រុម FBI ក៏បានបើកការស្រាវជ្រាវ ពីហេតុការណ៍ខាងលើផងដែរ។
តាមការសន្និដ្ឋាន មានខ្មាន់កាំភ្លើង២នាក់ ក្នុងនោះមានម្នាក់ត្រូវបានសម្លាប់និងម្នាក់ទៀតរត់គេចខ្លួនបាត់។
មហាវិទ្យាល័យ OSU មានសិស្សប្រមាណ៦ម៉ឺននាក់កំពុងសិក្សា ហើយសាលាត្រូវផ្អាកការសិក្សាបណ្តោះអាសន្ន មួយថ្ងៃដើម្បីស្រាវជ្រាវឲ្យបានច្បាស់ពីហេតុការណ៍បាញ់ប្រហារខាងលើ៕ ម៉ែវ សាធី
