សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានត្រឹមតែមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលទឹកថ្លា ខណៈខ្លួនបានទុកម៉ូតូ១គ្រឿងនៅមុខបន្ទប់ជួលមួយភ្លែតដោយភ្លេចចាក់សោ.កពេលចេញមកវិញ ស្រាប់តែជនសង្ស័យលួចយកទៅបាត់ ។
ករណីនេះកើតឡើងកាលពីវេលាម៉ោង៩និង៣០នាទីព្រឹក ថ្ងៃទី២ ខែធ្នូ ឆ្នាំ២០១៦ នៅចំណុចបន្ទប់ជួលភូមិអ័រគីដេ សង្កាត់ទឹកថ្លា ខណ្ឌសែនសុខ ។
ជនរងគ្រោះជាម្ចាស់ម៉ូតូមានឈ្មោះ ជួង ថារ៉ាក់ ភេទប្រុស អាយុ១៧ឆ្នាំ ជានិសិត្សឆ្នាំទី១ ស្នាក់នៅផ្ទះជួលកន្លែងកើតហេតុនិងមានស្រុកកំណើត ភូមិជីផុច ឃុំជីផុច ស្រុកមេសាង ខេត្តព្រៃវែង។
ម៉ូតូដែលចោរលួចយកបានសម្រេចនោះ ម៉ាកស៊ុយស៊ីគី និច ពណ៌ស សេរីឆ្នាំ២០១៣ ពាក់ស្លាកលេខ ភ្នំពេញ 1FJ.3327 ៕ តុង សីហា
