សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ កាលពីវេលាម៉ោង២រសៀល ថ្ងៃទី ២៧ ខែធ្នូ ឆ្នាំ២០១៦ កម្លាំងជំនាញនគរបាលសេដ្ឋកិច្ច នៃស្នងការដ្ឋាននគរបាលខេត្តកំពង់ធំ បានចុះបង្ក្រាបរថយន្ដកាមរីឆ្លាម១គ្រឿងលួចដឹកឈើគ្រញូងនៅចំនុចក្បាលថ្នល់ក្នុងភូមិក្ដីដូងឃុំក្ដីដូងក្រុងស្ទឹងសែន ខេត្តកំពង់ធំ។
តាមប្រភពព័ត៌មានពីសមត្ថកិច្ចនគរបាលបានឲ្យដឹងថា ក្រោយពីទទួលពត័មានពីបណ្ដាញសម្ងាត់ថាមាន រថយន្ដឆ្លាម ពណ៍ស្ករ គ្មានផ្លាក់លេខ ១គ្រឿង បានដឹកបទល្មើសឈើគ្រូញូង ចេញពីខេត្តសៀមរាប បំរុងឆ្លងកាត់ខេត្តកំពង់ធំយកទៅលក់នៅព្រះប្រទល់ប្រទេសវៀតណាម រួចមក ក៏បានដាក់កំលាំង ចាំស្ទាក់ចាប់បាននៅចំនុចខាងលើជាលទ្ធផលបង្រ្កាប់បានរថយន្ថ១គ្រឿង ចំណែកជនល្មើសចុះរត់បាត់ស្រមោល បន្ទាប់មកបានពិនិត្យឃើញមានឈើក្រញូងពិតប្រាកដមែន ទើបប្រគល់អោយមន្រ្ដីផ្នែករដ្ឋបាលព្រៃឈើស្ទោងដើម្បីវាស់វែង។
តាមការបញ្ជាក់ពីលោក ឈឿង គុណ នាយផ្នែករដ្ឋបាលព្រៃឈើស្ទោងវត្ថុតាំងបានរក្សាទុកនៅផ្នែករដ្ឋបាលព្រៃឈើស្ទោង ក្រោយពីការវាស់វែងរួចមាន គ្រូញូង ចំនួន៦៧ដុំ ស្មើ ២០៦គីឡូក្រាម ៕ ប៊ុនរិទ្ធី
