សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ គ្រោះថ្នាក់ចរាចរណ៍មួយបានកើត ធ្វើឲ្យបុរសម្នាក់ រួមទាំងនារី២នាក់ទៀតបានរងរបួសធ្ងន់ និងស្រាល បន្ទាប់ពួកគាត់ជិះម៉ូតូtodayមួយគ្រឿងហើយត្រូវរថយន្តម៉ាកODបើកបុកចុះពីមុខពេញទំហឹង កាលពីវេលាម៉ោង១០និង២០នាទីយប់ថ្ងៃទី៥ខែមករា ឆ្នាំ២០១៧ នៅចំណុចខាងកើតណាហ្កាវើល សង្កាត់ទន្លេបាសាក់ ខណ្ឌចំការមន ហើយរថយន្តបើករត់បានប្រហែល១០០ម៉ែត្រចតរថយន្តចោលម្ចាស់រត់ឡើងណាហ្គាបាត់។
តាមសាក្សីនៅកន្លែងកើតហេតុបានអោយដឹងថា នៅមុនពេលកើតហេតុ គេបានឃើញបុរសម្នាក់ឌុបនារី២នាក់ទៀតជិះម៉ូតូម៉ាកtoday ពណ៍ស ពាក់ស្លាកលេខភ្នំពេញ1FM4228 ធ្វើដំណើរក្នុងទិសដៅពីជើងទៅត្បូង ខណះមកដល់ចុះណុចកើតហេតុស្រាប់មានរថយន្តម៉ាកOD ពណ៍ស ពាក់ស្លាកលេខភ្នំពេញ2AD 3738 បើកបរដោយបុរសម្នាក់ធ្វើដំណើរបញ្ច្រាស់ទិសគ្នាក្នុងល្បឿនលឿនហើយបានបុកចំពីមុខពេញទំហឹងបណ្តាលអោយអ្នកជិះម៉ូតូរងរបួសធ្ងន់។
សាក្សីដដែលបានបន្តថាក្រោយពីបង្ករួចរថយន្តបង្កបានព្យាយាមបើករត់បានចំងាយ១០០ម៉ែត្រទើបឈប់រថយន្តហើយម្ចាស់ត្រូវបានសន្តិសុខនាំរត់ឡើងទៅលើណាហ្គាបាត់ដោយបន្សល់ទុករថយន្តនៅខាងក្រោម។
ក្រោយពេលកើតហេតុជនរងគ្រោះត្រូវបានអ្នកជិតខាងយកទៅមន្ទិរពេទ្យចំណែករថយន្តនិងម៉ូតូត្រូវបានសមត្ថកិច្ចធ្វើការវាស់វែងយកទៅរក្សាទុកនៅអធិការនគរបាលខណ្ឌចំការមនរងចាំដោះស្រាយពេលក្រោយ៕ ភារ៉ា ដង្កោ
