សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យចំនួន២នាក់ជាមុខសញ្ញាក្រុមចោរប្លន់យ៉ាងសកម្មក្នុងរាជធានីត្រូវបានកម្លាំងអាវុធហត្ថខណ្ឌពោធិ៍សែនជ័យបង្ក្រាបកាលពីវេលាម៉ោង11.30នាទីថ្ងៃត្រង់ថ្ងៃទី18.01.2017នៅចំនុចផ្ទះសំណាក់នាគទពស្ថិតក្នុងភូមិត្រពាំងល្វាសង្កាត់កាកាបខណ្ឌ័ពោធិ៍សែនជ័យដកហូតអាវុធខ្លី01ដើមម៉ាកK54និងម៉ូតូZoomer01គ្រឿង។
ជនសង្ស័យទាំង2នាក់ទី១ ឈ្មោះ សុវណ្ណ ដារ៉ា ភេទប្រុស អាយុ១៩ឆ្នាំ មុខរបរមិនប្រាកដ ស្នាក់នៅភូមិព្រែកឫស្សី ឃុំព្រែកឫស្សីក្រុងតាខ្មៅ ខេត្តកណ្តាល ទី២ ឈ្មោះម៉ៅ ឌីយ៉ាម៉ង់ ភេទប្រុស អាយុ២២ឆ្នាំ ស្រុកកំណើត សង្កាត់វាលវង់ ខណ្ឌ័៧មករា ក្រុងភ្នំពេញ បច្ចុប្បន្នស្នាក់នៅភូមិដីថ្មី សង្កាត់ភ្នំពេញថ្មី ខណ្ឌសែនសុខ។
អាវុធហត្ថបានឲ្យដឹងថា មុននឹងឈានដល់ការឈានទៅដល់ការឃាត់ខ្លួន ជនសង្ស័យខាងលើកម្លាំងអាវុហត្ថបានស៊ើបអង្កេតជាយូរមកហើយរហូតមកដល់វេលាកើតហេតុ ទើបចុះបង្ក្រាបតែម្តង។
អាវុហត្ថបានបន្តថា ក្នុងប្រតិបត្តិការខាងលើនោះ កម្លាំងបានឃាត់ខ្លួនជនសង្ស័យចំនួន២នាក់ ដកហូតកាំភ្លើងខ្លីមួយដើម ម៉ាក K54 និងម៉ូតូមួយគ្រឿងម៉ាក Zoomer ពណ៌ស គ្មានស្លាកលេខ។
ក្រោយការសាកសួរជនសង្ស័យឈ្មោះ សុវណ្ណ ដារ៉ា បានសារភាពថា អាវុធខ្លី និងម៉ូតូខាងលើនេះ ជារបស់ឈ្មោះជឺ ដែលជាមេរបស់ខ្លួន បានរត់គេចខ្លួន មុនពេលកម្លាំងចុះទៅដល់ហើយឈ្មោះជឺ នេះទើបចេញពីពន្ធនាគារ(ជាប់ដោយសារប្លន់)។
បច្ចុប្បន្នជនសង្ស័យកំពុងសាកសួរនៅបញ្ជាការដ្ឋអាវុធហត្ថខណ្ឌពោធិ៍សែនជ័យ រង់ចាំកសាងសំណុំរឿងបញ្ជូនទៅបញ្ជាការដ្ឋានរាជធានីដោះស្រាយបន្ត ៕ សុខាសែនជយ
