សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ជនបរទេសម្នាក់ សង្ស័យស្រវឹងស្រាសល់ពីយប់ បានជិះម៉ូតូលឿនដូចហោះ ទៅបុកនឹងរថយន្តមួយគ្រឿង គេចតទុកនៅលើចញ្ចើមផ្លូវយ៉ាងពេញទំហឹង គៀបជាប់នឹងរថយន្ត ផ្នែកខាងមុខស្លាប់ភ្លាមៗយ៉ាងអាណោចអាធ័ម នៅនឹងកន្លែងកើតហេតុតែម្តង។
ហេតុការណ៍នេះបាន កើតឡើងនៅវេលាម៉ោងប្រមាណ១០និង៥០នាទីព្រឹក ថ្ងៃ៣០ ខែមករា ឆ្នាំ២០១៧ នៅត្រង់ ចំណុចខាង មុខសាលាបណ្តុះបណ្តាលដុនមូស្កូ ស្ថិតក្នុងភូមិ០៦ សង្កាត់លេខ៤ ក្រុងព្រះសីហនុ។
ពាក់ពន្ធ័ករណីខាងលើនេះ បើតាម សាក្សី ច្រើននាក់នៅក្បែរៗចំណុចកើតហេតុ បានប្រាប់ឲ្យ ដឹងថា នៅមុនកើតហេតុ គេបានឃើញជនបរទេសជាជនរងគ្រោះបានជិះម៉ូតូមួយគ្រឿងម៉ាក អ៊ែប្លែត ពណ៌ខ្មៅក្រហមគ្មានស្លាកលេខ បើកបរក្នុងទិសដៅពីក្រុងព្រះសីហនុឆ្ពោះទៅអូត្រេះ គឺបើកក្នុង ល្បឿនដូចហោះ លុះមកដល់ចំណុចកើតហេតុ ក៏ស្រាប់តែរេចង្កូតទៅបុកនឹងកក្បាល់រថយន្ត កុងតៃ នឺមួយគ្រឿង ពណ៌ស ពាក់ស្លាកលេខ ភ្នំពេញ 3C6174 ដែលចតទុកចោលលើចិញ្ចើមផ្លូវ យ៉ាងពេញទំហឹង លាន់សូរគ្រាំង បណ្តាលអោយបោកក្បាលជាមួយក្បាលរថយន្តស្លាប់ ភ្លាមៗតែម្តង។
ជនរងគ្រោះ រហូតមកដល់ពេលនេះនៅមិនទាន់គេស្គាល់អត្តសញ្ញាណនៅឡើយទេ ។
បច្ចុប្បន្ន រថយន្ត និងម៉ូតូ ត្រូវបានសមត្ថកិច្ចចរាចរណ៍យកទៅរក្សាទុកនៅការិយាល័យចរាចរណ៍ខេត្តរង់ចាំការដោះស្រាយតាមផ្លូវច្បាប់ ឯសាកសពក៏ត្រូវបានសមត្ថកិច្ចយកមករក្សាទុករង់ចាំស្រាវជ្រាវស្វែងរកតំណាងស្ថានទូតមកទទួលយកទៅចាត់ចែងបន្ត៕ ឆ្លាម សមុទ្រ
