បុរសម្នាក់ជិះម៉ូតូដឹកឥវ៉ាន់មកបុកម៉ូតូស្តុពីបណ្ដោយឱ្យនារីម្នាក់រងរបួសធ្ងន់

ភ្នំពេញ៖ នារីម្នាក់បានរងរបួសធ្ងន់ ខណះកំពុងជិះម៉ូតូស្តុពី១គ្រឿង ត្រូវបុរសម្នាក់ជិះម៉ូតូដឹកឥវ៉ាន់១គ្រឿងមកបុកចំពីជំហៀងខាងឆ្វេងពេញទំហឹង។

ហេតុការណ៍នេះ បានកើតឡើងកាលពីវេលាម៉ោង៩និង៣០នាទីព្រឹក ថ្ងៃទី១៣ ខែកុម្ភៈ ឆ្នាំ២០១៧ ស្ថិតនៅចំណុចផ្លូវលេខ២៧១ កែងផ្លូវលេខ៤៣២ សង្កាត់ទួលទំពួង២ ខណ្ឌចំការមន រាជធានីភ្នំពេញ។

ប្រភពព័ត៌មានពីកន្លែកើតហេតុបានអោយដឹងថា នៅមុនពេលកើតហេតុ គេបានឃើញបុរសម្នាក់ជិះម៉ូតូម៉ាកហុងដាស្គូពី១គ្រឿង ពណ៌ស ពាក់ស្លាកលេខ ព្រះសីហនុ1C.5538 ធ្វើដំណើរតាមបណ្ដោយផ្លូវលេខ២៧១ ក្នុងទិសដៅពីត្បូងទៅជើង លុះមកដល់ចំណុចកើតហេតុខាងលើ ក៏ស្រាប់តែមានបុរសម្នាក់ជិះម៉ូតូសេរីចាស់ដឹកអីវាន់ ធ្វើដំណើតាមបណ្ដោយផ្លូវលេខ២១៧ បត់ចូលមកផ្លូវលេខ៤៣២ បត់ឆ្វេងហើយបានជ្រុលបុកម៉ូតូខាងលើពេញទំហឹងបណ្ដាយឲ្យនារីម្នាក់ត្រូវរងរបួសធ្ងន់ ត្រូវបានរថយន្តដឹកយកទៅសង្គ្រោះបន្ទាន់។

ក្រោយកើតហេតុ ម៉ូតូដឹកឥវ៉ាន់បង្កនិងម៉ូតូរងគ្រោះត្រូវបានសមត្ថកិច្ចយកទៅរក្សាទុកនៅអធិការដ្នាននគរបាលខណ្ឌចំការមនដោះស្រាយតាមផ្លូវច្បាប់ ៕ ស រស្មី