សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាលៈ ជនសង្ស័យជាចោរលួចកាច់.កម៉ូតូម្នាក់ ក្នុងចំណោមបក្ខពួក២នាក់ ត្រូវបានសមត្ថកិច្ចនគរបាលស្រុកខ្សាច់កណ្តាលស្រាវជ្រាវបង្រ្កាបចាប់ខ្លួន ដើម្បីកសាងសំណុំរឿងចាត់ការតាមច្បាប់ បន្ទាប់ពីជនសង្ស័យរូបនេះ និងបក្ខពយកបានធ្វើសកម្មភាពលួចកាច់.កម៉ូតូមួយគ្រឿង កាលពីវេលាម៉ោង៤រសៀល ថ្ងៃទី១០ ខែកុម្ភៈ ឆ្នាំ២០១៧ នៅត្រង់ចំណុចទំនប់ប្រផិញ ស្ថិតក្នុងភូមិពុកឬស្សីលើ ឃុំពុកឬស្សី ស្រុកខ្សាច់កណ្តាល ខេត្តកណ្តាល ។
មន្ត្រីនគរបាលស្រុកខ្សាច់កណ្តាលបានឲ្យដឹងថា ជនសង្ស័យដែលត្រូវបានចាប់ខ្លួននោះឈ្មោះ ទឹម លីន ហៅឌិន ភេទប្រុស អាយុ១៦ឆ្នាំ ជនជាតិខ្មែរ មុខរបរ កសិករ មានទីលំនៅភូមិក្រូចសើច ឃុំពុកឬស្សី ស្រុកខ្សាច់កណ្តាល ។ ចំណែកឯម្នាក់ទៀតដែលរត់គេចខ្លួននោះឈ្មោះ ខុន ចុន ភេទប្រុស អាយុ៣២ឆ្នាំ ជនជាតិខ្មែរ មានទីលំនៅភូមិក្រូចសើច ឃុំពុកឬស្សី ស្រុកខ្សាច់កណ្តាល ។ ជនរងគ្រោះឈ្មោះ ពៅ សំអាត ភេទស្រី អាយុ៥៥ឆ្នាំ ជនជាតិខ្មែរ មុខរបរ កសិករ មានទីលំនៅភូមិពុកឬស្សីលើ ស្រុកខ្សាច់កណ្តាល ជាម្ចាស់ម៉ូតូម៉ាកហុងដាឌ្រីម ធុនសេ១២៥ ពណ៌ខ្មៅ ស៊េរីឆ្នាំ២០០៨ ពាក់ស្លាកលេខភ្នំពេញ1Y-4027 ។
ប្រភពដដែលបានបន្តថា នៅមុនពេលកើតហេតុវេលារសៀលថ្ងៃទី១០ ខែកុម្ភៈ ឆ្នាំ២០១៧ ប្តីស្ត្រីរងគ្រោះបានជិះម៉ូតូទៅបាញ់ថ្នាំស្រូវ ដោយបានទុកម៉ូតូនៅត្រង់ចំណុចខ្នងទំនប់ប្រផិញ ។ ពេលត្រឡប់មកពីបាញ់ថ្នាំស្រូវវិញស្រាប់តែបាត់ម៉ូតូមិនឃើញនៅកន្លែងទុក ដោយមានការសង្ស័យទៅលើជនសង្ស័យឈ្មោះ ទឹម លីន ជាអ្នកលួចជនរងគ្រោះក៏បានដាក់ពាក្យបណ្តឹងនៅសមត្ថកិច្ចនគរបាលធ្វើការស្រាវជ្រាវ រហូតឈានដល់បង្រ្កាបចាប់ខ្លួនជនសង្ស័យបាននៅថ្ងៃទី១៤ ខែកុម្ភៈ ឆ្នាំ២០១៧ ដើម្បីធ្វើការសាកសួរនិងកសាងសំនុំរឿងចាត់ការតាមច្បាប់ ។
ជនសង្ស័យឈ្មោះ ទឹម លីន បានសារភាពថា ខ្លួននិងបក្ខពួកឈ្មោះ ខុន ចុន ពិតជាបានធ្វើសកម្មភាពលួចកាច់.កម៉ូតូរបស់ជនរងគ្រោះប្រាកដមែន ។ ក្រោយពីធ្វើសកម្មភាពរួចម៉ូតូរបស់ជនរងគ្រោះត្រូវបានបក្ខពួកឈ្មោះ ខុន ចុន ជិះគេចខ្លួនបាត់មិនដឹងថាទៅដល់ណានោះទេ ៕ស្អាងជ័យ
