សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ ក្មេងទំនើងប្រុសស្រីចំនួន២៣នាក់ ដើរលេងនៅពេលយប់ចូលលឹបរាំឌីស្កូ មានគ្នា២ក្រុមបានធ្វើសកម្មភាពជិះម៉ូតូវាយគ្នាទៅវិញទៅមក តាមផ្លូវសាធារណៈបង្កប៉ះពាល់សន្តិសុខសណ្តាប់ធ្នាប់សង្គមយ៉ាងធ្ងន់ ក្នុងក្រុងបាត់ដំបង បណ្តាលឱ្យមានការភ្ញាក់ផ្អើលប្រជាពលរដ្ឋរស់នៅក្នុងក្រុងបាត់ដំបងហើយក្មេងទំនំនើងទាំងនោះ រងការបង្រ្កាបចាប់ឃាត់ខ្លួនបញ្ជូនមកកាន់អធិការដ្ឋាននគរបាលក្រុងបាត់ដំបង ដើម្បីយកមកសាកសួរនិងចាត់ចែងតាមនីតិវិធីច្បាប់ ក្រោយពេលដែលពួកគេបានចេញពីក្លឹបរាំឌីស្កូមានឈ្មោះ ស្តាឡៃ ថ្មី ក្នុងរឿងជម្លោះដណ្តើមស្រីស្នេហ៍គ្នា។
លោកវរសេនីយ៍ត្រី ប៉ាង ហៀង អធិការនគរបាលក្រុងបាត់ដំបងប្រាប់ឱ្យដឹងថា កាលពីយប់ទាបភ្លឺថ្ងៃទី៩ ខែមីនា ឆ្នាំ២០១៧ បន្ទាប់ពីមានករណីហិង្សាដាក់គ្នារវាងក្មេងទំនើងនិងក្មេងទំនើងរួចហើយ លោកក៏បានដឹកនាំកម្លាំងចុះទៅបង្រ្កាបចាប់ឃាត់ខ្លួនក្មេងទំនើងខាងលើនោះបាន។ការវាយតប់គ្នាបង្កឱ្យក្មេងទំនើងទាំងសងខាងរងរបួសផងដែរ ប៉ុន្តែមិនជាធ្ងន់ធ្ងរនោះទេ។ពិនិត្យឃើញថាក្មេងទំនើងទាំង២ក្រុមមិនបង្កឱ្យរងរបួសធ្ងន់ធ្ងរសមត្ថកិច្ចក៏បានធ្វើការអប់រំនិងឱ្យធ្វើកិច្ចសន្យាហើយកោះហៅអាណាព្យាបាលមកទទួលដោះលែងយកទៅអប់រំនៅផ្ទះនឹងវិញ។
សូមបញ្ជាក់ឱ្យដឹងទៀតថា នៅក្លឹនរាំឌីស្កូស្តាឡៃថ្មី កន្លងមកធ្លាប់កើតមានករណីក្មេងទំនើងវាយកាប់ចាក់គ្នាប្រើប្រាស់ដាវសាំម៉ូតូរ៉ៃរហូតដល់រងគ្រោះថ្នាក់បែករយះលលាក្បាលយ៉ាងធ្ងន់ទៀតផងនោះដែរ។ក្លឹបរាំឌីស្កូស្តាឡៃនេះដែរជាទីតាំងប្រមូលផ្តុំក្មេងទំនើងចូលមករាំ ឌីស្កូផឹកស៊ីមានក្មេងស្រីប្រុសហើយតែងតែកើតនូវអំពើហិង្សាដាក់គ្នារវាងក្មេងទំនើងទាំងនោះជាញឹកញាប់។ជានិច្ចជាកាលធ្វើឱ្យប្រជាពលរដ្ឋរស់នៅក្បែរតំបន់នោះមានការភ័យខ្លាច។គេមិនទាន់ដឹងថាតើសមត្ថកិច្ចមានវិធានការយ៉ាងណាបើក្លឹបរាំកំសាន្តមួយនេះធ្វើឱ្យមានការប៉ះពាល់ដល់ផ្នែសន្តិសុខសណ្តាប់ធ្នាប់សាធាណៈបែបនោះជាបន្តបន្ទាប់នោះ ៕ សំ វិច្ឆិកា
