សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យៈ ថ្ងៃទី១៦ ខែមីនា ឆ្នាំ២០១៧ វេលាម៉ាង ១១និង១០នាទីយប់មានកើតករណីខ្យល់កន្ត្រាក់ បណ្តាលខូចខាតផ្ទះ ប្រជាពលរដ្ឋចំនួន ២ឃុំ សរុប៥ ខ្នង ក្នុងនោ៖ ឃុំគោកមន ចំនួន ០១ ខ្នង ម្ចាស់ផ្ទះរងគ្រោះឈ្មោះ ស្រឿន សុផា ភេទស្រី អាយុ៣៩ ឆ្នាំ រស់នៅភូមិព្រៃវែង ឃុំគោកមន របើកដំបូលប្រក់ស័ង្កសីមួយចំហៀង។
ឃុំគោកខ្ពស់ខូចខាតផ្ទះ៤ខ្នង៖ ម្ចាស់ផ្ទះរងគ្រោះ ១-ឈ្មោះ សាមួន សាមុត ភេទប្រុស អាយុ៤៨ ឆ្នាំ រស់នៅភូមិថ្នល់ ឃុំគោកខ្ពស់ របើកដំបូលប្រក់ក្បឿង ចំនួន ០៦ សន្លឹក, ២-ឈ្មោះ ចែវ ជឿត ភេទប្រុស អាយុ ៣៣ ឆ្នាំ រស់នៅភូមិថ្នល់ ឃុំគោកខ្ពស់ របើកដំបូលប្រក់ស័ង្កសីទាំងស្រុង, ៣-ឈ្មោះ សិង ហុង ភេទប្រុស អាយុ ៦២ ឆ្នាំ រស់នៅភូមិថ្នល់ ឃុំគោកខ្ពស់ របើកដំបូល ប្រក់ស័ង្កសី ចំនួន ០៧ សន្លឹក និង៤-ឈ្មោះ សឿ ស្រស់ ភេទប្រុស អាយុ ៣០ ឆ្នាំ រស់នៅភូមិថ្នល់ ឃុំគោកខ្ពស់ របើកដំបូលប្រក់ស័ង្កសី មួយចំហៀង ៕
