សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មំុ៖ រថយន្តកាម៉ាស១គ្រឿង កំពុងបើកបរសុខៗ ក៏ឆាបឆេះកាប៊ីនចេញជាអណ្តាតភ្លើងឡើងធ្វើឲ្យអ្នកបើកបរ និងព្រូ មិននាំគ្នាជួយពន្លត់ ក៏ដាក់មេប្រុចអស់ ហើយត្រូវបានរថយន្តពន្លត់អគ្គីភ័យ នគរបាលស្រុកមេមត់ជាអ្នកមកបាញ់ពន្លត់ និងចុងក្រោយនៅសល់តែគ្រោងឆ្អឹងដែកសុទ្ធ ។
កាម៉ាស់ ពាក់ស្លាកលេខ ព្រ_០៤៥៧ ភ ព បើកបរក្នុងទិសដៅពីស្រុកមេមត់ទៅស្រុកស្នួល
ហេតុការណ៍ភ្ញាកផ្អើលដល់មនុស្សម្នានេះ កើតឡើងនៅម៉ោង១១ព្រឹក ថ្ងៃទី២៣ ខែមីនា ឆ្នាំ២០១៧ ស្ថិតនៅលើផ្លូវជាតិលេខ៧ ចំណុចភូមិដូង(ប៉ុស្តិ៍ទិស) ឃំុត្រមូង ស្រុកមេមត់ ខេត្តត្បូងឃ្មុំ។
តាមប្រភពព័ត៌ពីកន្លែងកើតហេតុបានឲ្យដឹងថា រថយន្តដែលរងការឆាបឆេះខាងលើម៉ាក កាម៉ាស់ ពាក់ស្លាកលេខ ព្រ_០៤៥៧ ភ ព បើកបរក្នុងទិសដៅពីស្រុកមេមត់ទៅស្រុកស្នួល លុះមកដល់កន្លែងកើតហេតុ ក៏កើតមានករណីនេះតែម្តង ហើយចំណែកអ្នកបើកបរ និងព្រូនាំគ្នារត់គេចខ្លួនបាត់ មិននៅជួយពន្លត់ភ្លើងនោះទេ ។
កាម៉ាស១គ្រឿង កំពុងបើកបរសុខៗ ក៏ឆាបឆេះកាប៊ីនចេញជាអណ្តាតភ្លើងឡើងធ្វើឲ្យអ្នកបើកបរ និងព្រូ មិននាំគ្នាជួយពន្លត់ ក៏ដាក់មេប្រុចអស់
ករណីនេះដែរ បើតាម លោកវរសេនីយ៍ ហុង គឹមហឿន អធិការនគរបាលស្រុកមេមត់បានឲ្យដឹងថា កម្លាំងជំនាញកំពុងស្រាវជ្រាវរកម្ចាស់ដើម្បីមកទទួលខុសត្រូវអុសរថយន្តដែលឆេះនេះទៅវិញ ហើយមូលហេតុអាចបណ្តាលមកពីឆ្លងប្រព័ន្ធខ្សែភ្លេីង៕ វណ្ណះ
