មេដឹកនាំក្រុមឧទ្ទាមភាគខាងត្បូងចង់ប្រកាសឯករាជ្យ

សារព័ត៌មាន Bangkok Post នៅថ្ងៃទី ៣ ខែមេសា បានដកស្រង់ប្រភពព័ត៌មានពីមេដឹកនាំខ្មាន់កាំភ្លើងក្រុមបដិវត្តន៍ប្រជាជន BRN នៅតំបន់ភាគខាងត្បូងប្រទេស ថៃថា បានខិតខំបំផុសបំផុល និងផ្សព្វ ផ្សាយពីគម្រោងប្រែក្លាយខេត្តប៉ាតានី ជា តំបន់ឯករាជ្យក្នុងរយៈពេល១៥ឆ្នាំខាងមុខ។

តាមគម្រោងមេដឹកនាំក្រុម BRN ចង់ បំផុះគំនិតជាតិនិយមនៅតំបន់ភាគខាង ត្បូងប្រទេសថៃ ពិសេសគឺយុវជនអ៊ិស្លាម។ ក្រុម BRN នឹងជ្រើសរើសយុវជនប្រមាណ១លាននាក់ចូលរួមនៅក្នុងក្រុមរបស់ខ្លួន ក្នុងគោលដៅទាមទារឯករាជ្យដោយអាវុធនៅឆ្នាំ២០៣២។

គម្រោងខាងលើត្រូវបានលើកមក ពិភាក្សានៅក្នុងកិច្ចប្រជុំថ្នាក់ដឹកនាំ BRN ក្រោយពេលមេដឹកនាំសំខាន់២រូបបាន ស្លាប់ដោយសារតែមានវ័យចាស់។ នៅ ពេលនេះមេដឹកនាំ BRNគឺលោក Abdullah Wan Mat Noor ត្រូវបានបោះឆ្នោត ជ្រើសរើសធ្វើជាប្រធាន។ លោកធ្លាប់ត្រូវថៃចេញដីកាចាប់ខ្លួនពីបទបំផុះបំផុលឲ្យមានការបះបោរ។

ប្រតិកម្មទៅនឹងបញ្ហាខាងលើលោកមេបញ្ជាការកងពល លេខ៤ ប្រចាំនៅភាគខាងត្បូងបានបញ្ជាក់ ថា គម្រោងខាងលើរបស់ក្រុមជ្រុលនិយម មិនបានសម្រេចឡើយរដ្ឋាភិបាលនឹងចាត់វិធានការដើម្បីទប់ស្កាត់៕ ម៉ែវ សាធី