សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ត្រូវបានកម្លាំងនគរបាលប៉ុស្តិ៍ឃាត់ខ្លួន ដែលជាប់ពាក់ព័ន្ធនឹងការអុកឡុកនៅក្នុងគ្រួសារ និងមានប្រើប្រាស់គ្រឿងញៀន។
ហេតុការណ៍នេះបានកើតឡើងកាលពីវេលាម៉ោង១និង៣០នាទីរំលងអធ្រាត្រ ឈានចូលថ្ងៃទី១៨ ខែមេសា ឆ្នាំ២០១៧ ស្ថិតនៅចំណុចផ្ទះលេខ៩ ផ្លូវលំ ភូមិចំការឪឡឹក សង្កាត់កាកាប ខណ្ឌពោធិសែនជ័យ ។
សមត្ថកិច្ចប្រាប់ថា ជនសង្ស័យឈ្មោះ មិន ណារិទ្ធ ភេទប្រុស អាយុ២៣ឆ្នាំ មុខរបរនៅផ្ទះ ស្នាក់នៅភូមិកើតហេតុខាងលើ។
ជាមួយគ្នានេះ វត្ថុតាងចាប់យកឧបករណ៍សម្រាប់ប្រើប្រាស់គ្រឿងញៀន ដែកកេះ១០ និងទុយយោចំនួន៤ ។
សាក្សីបានឲ្យដឹងថា ដោយសារតែសារធាតុញៀនចូលពេញខ្លួនធ្វើជននេះលែងស្គាល់ឪពុកម្តាយអុកឡុកគ្រួសារបង្កការរំខានដល់អ្នកជិតខាងស្ទើររៀងរាលថ្ងៃ ទើបម្តាយទប់មិនបាន នៅថ្ងៃទី១៨ ខែមេសា ឆ្នាំ២០១៧ វេលាម៉ោង ១និង៣០នាទីរំលងអធ្រាត្រ ម្តាយរបស់ជនសង្ស័យបានទូរស័ព្ទរាយការណ៍មកសមត្ថកិច្ចថា កូនប្រុសរបស់គាត់ឈ្មោះ មិន ណារិទ្ធ បានប្រើប្រាស់គ្រឿងញៀន និងអុកឡុកក្នុងគ្រួសារ នៅចំណុចផ្ទះខាងលើទើបកម្លាំងសមត្ថកិច្ចចុះទៅចំណុចកន្លែងកើតហេតុ រួចកម្លាំងសមត្ថកិច្ចបាននាំខ្លួនជនសង្ស័យមកកាន់ប៉ុស្តិ៍នគរបាលកាកាបតែម្តង ។
បច្ចុប្បន្ន ជនសង្ស័យរួមនុងវត្ថុតាង ត្រូវបានកសាងឯកសារ និងបញ្ជូនទៅកាន់ផ្នែកជំនាញនគរបាលយុត្តិធម៌ នៃអធិការនគរបាលខណ្ឌពោធិសែនជ័យដើម្បីចាត់ការបន្ត ៕ សុខាសែនជ័យ
