សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មានអគ្គិភ័យឆាបឆេះអតីតក្លឹបហាន់នី ហើយប្រជាពលរដ្នបាននាំគ្នាយកបំពង់ពន្លត់អគ្គីភ័យមកបាញ់ផងដែរ។
ហេតុការណ៍នេះបង្កការភ្ញាក់ផ្អើលកាលពីវេលាម៉ោង៨និង១៥នាទីព្រឹក ថ្ងៃទី២៣ ខែមេសា ឆ្នាំ២០១៧ ស្ថិតនៅចំណុចអតីតក្លិបហាន់នី តាមបណ្ដោយផ្លូវបោ៉ស្ទើ សង្កាត់ចតុមុខ ខណ្ឌដូនពេញ រាជធានីភ្នំពេញ។
ភ្លាមៗនោះ ប្រជាពលរដ្ឋបានរាយការណ៍ជូនសមត្ថកិច្ចមូលដ្ឋាន និងរថយន្តពន្លត់អគ្គីភ័យ នៃស្នងការដ្ឋាននគរបាលរាជធានីភ្នំពេញ បានមកជួយអន្តរាគមន៍ បាញ់ពន្លត់ភ្លើង ។
ករណីគ្រោះអគ្គីភ័យខាងលើនេះ សមត្ថកិច្ចសដ្នានជំហានដំបូងថា អាចមកពីមានអ្នកជក់បារីហើយបោះចោលមកលើក្ដារបន្ទះហើយបង្កជាអណ្តាតភ្លើងឆេះបែបនេះ តែម្តង ។ ក្នុងការជួយអន្តរាគមន៍សង្គ្រោះអគ្គីភ័យនេះ ប្រើប្រាស់រថយន្តពន្លត់អគ្គីភ័យសរុប៤គ្រឿង ។
ប្រភព បាន ឲ្យ ដឹង ទៀត ថា រហូតមកដល់មោ៉ង៨និង៥០នាទីថ្ងៃដដែល ទើបបាញ់ពន្លត់ភ្លើងទាំងស្រុង តែ មិន បណ្ដាល ឲ្យ មនុស្ស ណារង របួស នោះទេ គ្រាន់តែបណ្ដាល ឲ្យ ខូចខាតសម្ភារ មួយចំនួន ៕ ស រស្មី
